ఆ హీరోయిన్ నా క్రష్.. తమన్నా - విజయ్ వర్మ గురించి నాకు తెలిసింది ఇదే.. బాలీవుడ్ నటుడు కామెంట్స్
మిల్క్ బ్యూటీ తమన్నా భాటియా - విజయ్ వర్మ డేటింగ్ లో ఉన్నారంటూ కొద్ది రోజులుగా రూమర్లు పుటుకొస్తున్న విషయం తెలిసిందే. దీనిపై తాజాగా బాలీవుడ్ నటుడు గుల్షన్ దేవయ్య ఆసక్తికరమైన కామెంట్స్ చేశారు.
 )
Follow
బాలీవుడ్ నటుడు గుల్షన్ దేవయ్య (Gulshan Devaiah) పుట్టినరోజు ఇవ్వాళే. నేటితో ఈయన 45వ యేటా అడుగుపెట్టారు. ఈ సందర్భంగా ఆయనకు బాలీవుడ్ తారాల నుంచి పుట్టిన రోజు శుభాకాంక్షలు అందుతున్నాయి. ఇందుకు సంతోషం వ్యక్తం చేశారు. ఈ క్రమంలో ఓ ఛానెల్ కు ఇచ్చిన ఇంటర్వ్యూలో కొన్ని ఆసక్తికరమైన వ్యాఖ్యలు చేశారు. అలాగే మిల్క్ బ్యూటీ తమన్నా భాటియా - విజయ్ వర్మల రిలేషన్ షిప్ పై స్పందించారు. ఆయన కామెంట్స్ వైరల్ గా మారాయి.
ఇంటర్వ్యూలో గుల్షన్ దేవయ్య మాట్లాడుతూ.. ‘పుట్టిన రోజు అంటే గ్రాండ్ గా జరుపుకోవాలని ఏమీ లేదు. నాకైతే రోజంతా హాయిగా నిద్రపోతే బాగుండనిపిస్తుంది. కానీ బోలెడన్ని మెసేజ్ లు, విషెస్ లు వస్తుండటంతో వాటికి రిప్లై ఇవ్వాల్సి వస్తోంది. కొందరైతే బర్త్ డే గిఫ్ట్ గా గోల్డ్, వజ్రాభరణాలు కూడా పంపిస్తుంటారు. వారి ప్రేమకు సంతోషం. ఈ బర్త్ డేను నా మాజీ భార్య కలిరోయ్ జియాఫెటా సెలబ్రేట్ చేసింది. చాలా సంతోషంగా ఉంది.‘ అంటూ చెప్పుకొచ్చారు.
ఇక తమన్నా - విజయ్ వర్మ రిలేషన్ షిప్ పైనా ఇంటర్వ్యూలో ప్రశ్న ఎదురవడంతో ఆసక్తికరంగా బదులిచ్చారు. గుల్షన్ మాట్లాడుతూ.. ‘విజయ్ వర్మ (Vijay Varma), తమన్నా (Tamannaah) రిలేషన్ షిప్ లో ఉన్నారా? లేదా? అన్నది నాకైతే తెలియదు. రెండు మూడు ఫొటోల్లో వారిద్దరూ కలిసి ఉండటం చూశాను. నేనెప్పుడూ ఆమెను కలవలేదు. తను ఎవరో కూడా తెలియదు. నేను ఇలా మాట్లాడటం చూసిందంటే ఆమె నన్ను కొట్టినా కొడుతుందేమో.. నోటికొచ్చింది వాగుతున్నావంటూ నా చెంప చెళ్లుమనిపిస్తుందేమో.. ఇప్పటికే ఆమె అభిమానులు నన్ను ట్రోల్ చేస్తున్నారు.
గతంలో ఓ సందర్భాన్ని విజయ్ వర్మను ఏడిపించడం కోసం వాడుకున్నానంతే. దాంతో ఒకరి పర్సనల్ లైఫ్ గురించి మాట్లాడటానికి నువ్వు ఎవరు అంటూ తమన్నా ఫ్యాన్స్ ఫైర్ అయ్యారు. సిరీయస్ గా చెప్పాలంటే వారి మధ్య ఏముందో నాకు ఏమాత్రం తెలియదు. అది వారి వ్యక్తిగత విషయం. ఇదిలా ఉంటే.. సౌత్ స్టార్ హీరోయిన్ సాయి పల్లవి నా క్రష్’ అంటూ ఫన్నీగా రిప్లై ఇచ్చారు. 2010 నుంచి ఇండస్ట్రీలో యాక్టివ్ గా ఉంటున్నారు గుల్షన్. ‘ది గర్ల్ ఇన్ ఎల్లో బూట్స్’ చిత్రంతో హీరోగా ఎంట్రీ ఇచ్చారు. గతేడాది ‘బదాయ్ దో’ చిత్రంతో అలరించారు. ప్రస్తుతం ‘లవ్ ఎఫైర్’ తో పాటు మరో చిత్రంలో నటిస్తున్నారు. ఇక మిల్క్ బ్యూటీ తమన్నా ‘భోళా శంకర్’లో నటిస్తున్న విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
