బాలయ్య ఒక్కో సినిమాకు ఎంత తీసుకుంటున్నాడంటే..?
మొత్తానికి ఒక్కో సినిమాకు బాలయ్యకు బాగానే గిట్టుబాటు అవుతోంది
నందమూరి బాలకృష్ణ వరుస పెట్టి సినిమాలు చేస్తూనే ఉన్నాడు. యంగ్ హీరోలకు పోటీగా ఆయన ఈ వయసులో సినిమాలు చేయడం అందరినీ ఆశ్చర్యపరుస్తోంది. ప్రస్తుతం బాలయ్య 'జై సింహా' చిత్రంతో బిజీగా గడుపుతున్నాడు. వచ్చే ఏడాది సంక్రాంతి కానుకగా ఈ సినిమా ప్రేక్షకుల ముందుకు రాబోతుంది. ఈ సినిమా విడుదల కాకముందే మరో రెండు కొత్త సినిమాలు చేయడానికి రెడీ అయిపోతున్నాడు ఈ సీనియర్ హీరో. సీనియర్ దర్శకుడు ఎస్వీ కృష్ణారెడ్డి చాలా కాలంగా బాలయ్యతో సినిమా చేయాలని తహతహలాడుతున్నారు. ఎట్టకేలకు ఆయనతో కలిసి సినిమా చేయడానికి గ్రీన్ సిగ్నల్ ఇచ్చాడట బాలకృష్ణ. ఇక బోయపాటి శ్రీను దర్శకత్వంలో మరో సినిమా చేయడానికి ఆసక్తి చూపుతున్నాడు. ఈ విషయాన్ని బోయపాటి కూడా కన్ఫర్న్ చేశారు.
ఈ రెండు సినిమాలతో పాటు ఎన్టీఆర్ బయోపిక్ ను కూడా తెరకెక్కించబోతున్నాడు. ఈ సినిమా వచ్చే ఏడాదిలో ప్రారంభం కానుంది. అయితే ఇలా వరుసగా కమర్షియల్ సినిమాలు చేస్తోన్న బాలయ్య రెమ్యూనరేషన్ కూడా అదే స్థాయిలో తీసుకుంటున్నాడనే మాటలు వినిపిస్తున్నాయి. బాలయ్య నటించిన 'పైసా వసూల్' సినిమాకు నెగెటివ్ టాక్ వచ్చినప్పటికీ ఈ సినిమాకు ఆయన అందుకున్న రెమ్యూనరేషన్ అక్షరాల పది కోట్లు. అదే స్థాయిలో ఆయన ప్రతి సినిమాకు డిమాండ్ చేస్తున్నాడని సమాచారం. మొత్తానికి ఒక్కో సినిమాకు బాలయ్యకు బాగానే గిట్టుబాటు అవుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
