`గేమ్ ఛేంజర్` అప్డేట్.. రామ్చరణ్తో సెట్లో సర్ప్రైజ్ చేసిన శంకర్..
నిన్ననే `ఇండియన్ 2` డబ్బింగ్ వర్క్ స్టార్ట్ అయినట్టుగా అప్డేట్ ఇచ్చారు. ఈ మేరకు ఓ వీడియో వైరల్ అయ్యింది. కట్ చేస్తే ఊహించని సర్ ప్రైజ్ ఇచ్చాడు శంకర్.
 )
Followమెగా పవర్ స్టార్ రామ్చరణ్ తాజాగా గ్లోబల్ స్టార్గా రాణిస్తున్నారు. ఆయన ప్రస్తుతం శంకర్ దర్శకత్వంలో `గేమ్ ఛేంజర్` చిత్రంలో నటిస్తున్నారు. దిల్ రాజు నిర్మిస్తున్న ఈ మూవీ చాలా కాలంగా చిత్రీకరణ జరుపుకుంటుంది. అయితే మధ్య ఆగుతూ, మళ్లీ స్టార్ట్ అవుతూ, గ్యాప్ లు తీసుకుంటూ చిత్రీకరిస్తున్నారు దర్శకుడు శంకర్. ఆయన ఏక కాలంలో కమల్ హాసన్తో `ఇండియన్ 2` కూడా చిత్రీకరిస్తున్న నేపథ్యంలో రెండింటిని బ్యాలెన్స్ చేసే క్రమంలో `గేమ్ ఛేంజర్` షూటింగ్ డిలే అవుతుంది.
అయితే నిన్ననే `ఇండియన్ 2` డబ్బింగ్ వర్క్ స్టార్ట్ అయినట్టుగా అప్డేట్ ఇచ్చారు. కమల్ హాసన్ పాల్గొనగా, దర్శకుడు శంకర్ స్వయంగా దగ్గరుండి డబ్బింగ్ చెప్పించారు. ఈ మేరకు ఓ వీడియో వైరల్ అయ్యింది. కట్ చేస్తే ఊహించని సర్ ప్రైజ్ ఇచ్చాడు శంకర్. కట్ చేస్తే నేడు సాయంత్రం `గేమ్ ఛేంజర్` సినిమా సెట్ నుంచి ఓ ఫోటోని సోషల్ మీడియా ద్వారా పంచుకున్నారు.
`హైదరాబాద్లో నిన్నటి నుంచి మా `గేమ్ ఛేంజర్` కోసం ఎమోషనల్ రైడ్(సీన్ల)ని రూపొందిస్తున్నాం` అని పేర్కొన్నారు. ఈ సందర్భంగా రామ్చరణ్కి సీన్ వివరిస్తున్న ఫోటోని పంచుకున్నారు శంకర్. ప్రస్తుతం ఇది వైరల్ అవుతుంది. ఇందులో రామ్చరణ్ స్పెడ్స్ పెట్టుకుని క్లీన్ షేవ్తో ఆఫీసర్ లుక్లో కనిపిస్తున్నారు. అయితే నిన్ననే `ఇండియన్ 2` డబ్బింగ్లో పాల్గొన్న శంకర్, అదే రోజు `గేమ్ ఛేంజర్` షూటింగ్లో పాల్గొనడం ఆడియెన్స్ ఆశ్చర్యపరుస్తుంది. ఇది చరణ్ ఫ్యాన్స్ కి పెద్ద సర్ప్రైజింగ్ న్యూస్ అనే చెప్పాలి.
ఇక హైదరాబాద్ పరిసర ప్రాంతాల్లో వేసిన ప్రత్యేక సెట్లో ఈ సినిమా షూటింగ్ జరుగుతుందని తెలుస్తుంది. గచ్చిబౌలిలో ఈ షూట్ జరుగుతున్నట్టు తెలుస్తుంది. టాకీ పార్ట్ షూట్ చేస్తున్నారని, ఇవన్నీ చాలా ఎమోషనల్ సీన్లని తెలుస్తుంది. ఇందులో చరణ్తోపాటు అంజలి కూడా పాల్గొంటున్నారట. కంటిన్యూగా ఈ షెడ్యూల్ ఉంటుందని తెలుస్తుంది. ఈ చిత్రానికి థమన్ సంగీతం అందిస్తున్నారు. ఇందులో రామ్ చరణ్కి జోడీగా కియారా అద్వానీ కథానాయికగా నటిస్తుంది. శ్రీకాంత్ కీలక పాత్ర పోషిస్తున్నారు. సినిమాలో రామ్చరణ్ సీఎంగా, ఐఏఎస్ అధికారిగా కనిపిస్తారని సమాచారం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
