కామెడీ పీస్ అనుకోవద్దు.. జాఫర్ కు మహేష్ మామూలు కౌంటర్ ఇవ్వలేదుగా!
కింగ్ నాగార్జున హోస్ట్ గా వ్యవహరిస్తున్న బిగ్ బాస్ షోపై ప్రారంభ ఎపిసోడ్ నుంచే ఆసక్తి పెరిగిపోయింది. నాగార్జున స్క్రీన్ ప్రెజెన్స్ తో ప్రశంసలు దక్కుతున్నాయి. నాగ్ హోస్టింగ్ మాత్రమే కాదు.. హౌస్ లో సభ్యుల మధ్య జరుగుతున్న వ్యవహారం కూడా రసవత్తరంగా ఉంది.
బిగ్ బాస్ సీజన్ 3లో నామినేషన్ ప్రక్రియలో భాగంగా ఆసక్తికర పరిణామాలు చోటుచేసుకున్నాయి. ఇంట్లో ఉన్న సభ్యులు వాళ్లలో వాళ్లే చూసుకునేలా నామినేషన్ ప్రక్రియని ప్లాన్ చేశారు. ఇందులో భాగంగా ప్రముఖ న్యూస్ యాంకర్ జాఫర్, యూట్యూబ్ తో పాపులర్ అయిన కమెడియన్ మహేష్ మధ్య ఆసక్తికర సంఘటన జరిగింది.
మొదటి జాఫర్ నామినేట్ అయ్యాడు. బిగ్ బాస్ ఇచ్చిన రూల్స్ ప్రకారం జాఫర్ తన ప్లేస్ లోకి మహేష్ ని నామినేట్ చేయడానికి ప్రయత్నించాడు. కానీ మోనిటర్ గా వ్యవహరించిన హేమ మహేష్ కే మద్దతు తెలిపి జాఫర్ నే నామినేషన్ లో కొనసాగేలా చేసింది. తాను మహేష్ పేరు చెప్పడానికి జాఫర్ ఓ కారణం చెప్పాడు.
తాను మహేష్ కంటే బెటర్ గా గేమ్ అడగలనని జాఫర్ తెలిపాడు. అందుకే మహేష్ పేరు చెప్పినట్లు తెలిపాడు. జాఫర్ వ్యాఖ్యలకు మహేష్ ఇచ్చిన కౌంటర్ మామూలుగా లేదు. నా కంటే ఆయన బెటర్ అంటున్నారు.. నేను హౌస్ లో ఉంటే ఏమేమి చేయగలనో చెబుతా.. యువకుడిని కాబట్టి ఫిజికల్ గేమ్ ఏది వచ్చినా తట్టుకుని నిలబడతా. ఎక్కువగా ఎమోషన్ కు గురికాను.
నేను యాక్టింగ్ కామెడీగా చేస్తాను కానీ కామెడీ పీస్ అయితే కాదు. నా జోలికి ఎవరైనా వస్తే మాత్రం ధూమ్ ధామ్ అయిపోద్ది అంటూ మహేష్ కౌంటర్ ఇచ్చాడు. శ్రీముఖి, హిమజ మధ్య కూడా వాగ్వాదం జరిగిన సంగతి తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
