రీరిలీజ్ కు సిద్ధంగా చిరంజీవి ‘గ్యాంగ్ లీడర్’ .. ఆ రోజే ఎందుకు విడుదల చేస్తున్నారంటే?
మెగా స్టార్ చిరంజవి (Chiranjeevi) బ్లాక్ బాస్టర్ ఫిల్మ్ ‘గ్యాండ్ లీడర్’ రీరిలీజ్ కు సిద్ధంగా ఉంది. మెగా ఫ్యాన్స్ కు ఆ ప్రత్యేకమైన రోజున అదిరిపోయే ట్రీట్ ఇచ్చేందుకు లేటెస్ట్ వెర్షన్ ను రెడీ చేశారు.
 )
Followమెగా స్టార్ చిరంజవి (Chiranjeevi) నటించిన బ్లాక్ బాస్టర్ చిత్రాల్లో ‘గ్యాండ్ లీడర్’ (Gang Leader) ఒకటి. ప్రముఖ దర్శకుడు విజయ్ బాపినీడు డైరెక్ట్ చేసిన ఈ చిత్రం అప్పట్లో ట్రెండ్ సెట్ చేసింది. శ్యామ్ ప్రసాద్ ఆర్ట్స్ నిర్మించి ఈ చిత్రానికి సింగర్, మ్యూజిక్ డైరెక్టర్ బప్పీ లహరి అదిరిపోయే సంగీతాన్ని అందించారు. చిత్రాన్ని సామాజిక వ్యతిరేక ప్రవర్తన, మాబ్ సైకాలజీ ప్రభావం ద్వారా చట్టాన్ని అమలు చేసేవారి దోపిడీ భావనలను చూపించే ప్రయత్నం చేశారు. 1991లో వచ్చిన ఈ చిత్రం విర్శకుల ప్రశంసలు అందుకోవడమే కాకుండానే బాక్సాఫీస్ వద్ద కూడా మేజర్ కమర్షియల్ చిత్రంగా నిలిచింది.
మెగాస్టార్ ఫ్యాన్స్ కు ఇష్టమైన చిత్రాల్లో ఇది టాప్ లో ఉంటుందని చెప్పడంలో ఎలాంటి సందేహం లేదు. ఈక్రమంలో ఫ్యాన్స్ ను ఖుషీ చేసే న్యూస్ వచ్చేసింది. ఈ చిత్రం రీరిలీజ్ కు సిద్ధం అయ్యిందని మేకర్స్ ప్రకటించారు. తాజాగా ‘గ్యాంగ్ లీడర్’ మార్చి 4న విడుదల కాబోతున్నట్టు ప్రకటించారు. 32 ఏండ్ల తర్వాత మళ్లీ థియేటర్లలోకి రాబోతుండటంతో ఫ్యాన్స్ ఫుల్ ఖుషీ అవుతున్నారు. రీరిలీజ్ ల ట్రెండ్ కొనసాగుతున్న క్రమంలో ఈ చిత్రం మరో పది రోజుల్లో ఆడియెన్స్ ముందుకు రాబోతోంది.
అయితే, ఆ రోజే ఈచిత్రాన్ని ఎందుకు రిలీజ్ చేయబోతున్నారంటే.. మెగాస్టార్ చిరంజీవి 45 ఏండ్ల సినీ ప్రస్థానం సందర్భంగా స్పెషల్ ఏవీగా ఈ చిత్రాన్ని ప్రపంచ వ్యాప్తంగా మార్చిన 4న విడుదల చేయబోతున్నట్టు ప్రకటించారు. దీంతో మెగా ఫ్యాన్స్ సంతోషిస్తున్నారు. సెకండ్ ఇన్నింగ్స్ లోనూ మెగాస్టార్ హిట్స్ కొడుతున్నారు. రీసెంట్ గా వింటేజ్ లుక్ లో ‘వాల్తేరు వీరయ్య’తో బ్లాక్ బాస్టర్ హిట్ ను సొంతం చేసుకున్నారు. ఇక ‘గ్యాంగ్ లీడర్’ రీరిలీజ్ తో చిరు వింటేజ్ దర్శనం కలగనుందని ఫ్యాన్స్ సంతోషిస్తున్నారు. ప్రస్తుతం చిరంజీవి మెహర్ రమేశ్ దర్శకత్వంలో తెరకెక్కుతున్న ‘భోళా శంకర్’లో నటిస్తున్నారు. ఏప్రిల్ 14న విడుదల కాబోతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
