మరిచిపోలేని పాత్రలేన్నో చేయాలి.. మహేష్‌కి చిరు స్వీట్‌ విశేష్‌
మెగాస్టార్‌ చిరంజీవి సైతం విశెష్‌ తెలిపారు. `అందం, అభినయం, భగవంతుడు మీకిచ్చిన వరం. మరెన్నో మరిచిపోలేని పాత్రలు చేయాలనీ, మీ కలలన్ని నెరవేరాలని కోరుకుంటూ, హ్యాపీ బర్త్ డే మహేష్‌బాబు. ఈ ఏడాది మీకు బాగుండాలి` అని ట్వీట్‌ చేశారు. ప్రస్తుతం ఇది సోషల్‌ మీడియాలో చక్కర్లు కొడుతుంది.
మహేష్‌బాబు 45వ పుట్టిన రోజుని పురస్కరించుకుని సినీ ప్రముఖులు ఆయనకు విశెష్‌ చెబుతున్నారు. సోషల్‌ మీడియాలో బర్త్ డే విశెష్‌ మోత మోగుతుంది. అనేక మంది హీరోలు, హీరోయిన్లు, దర్శకులు, నిర్మాతలు, ఇతర టెక్నీషియన్లు సూపర్‌ స్టార్‌ మహేష్‌కి శుభాకాంక్షలు తెలియజేస్తున్నారు.
మెగాస్టార్‌ చిరంజీవి సైతం విశెష్‌ తెలిపారు. `అందం, అభినయం, భగవంతుడు మీకిచ్చిన వరం. మరెన్నో మరిచిపోలేని పాత్రలు చేయాలనీ, మీ కలలన్ని నెరవేరాలని కోరుకుంటూ, హ్యాపీ బర్త్ డే మహేష్‌బాబు. ఈ ఏడాది మీకు బాగుండాలి` అని ట్వీట్‌ చేశారు. ప్రస్తుతం ఇది సోషల్‌ మీడియాలో చక్కర్లు కొడుతుంది.
చిరంజీవికి, మహేష్‌కి మధ్య మంచి అనుబంధం ఉంది. ఈ ఏడాది మహేష్‌ నటించిన `సరిలేరు నీకెవ్వరు` ప్రీరిలీజ్‌ ఈవెంట్‌కి మెగాస్టార్‌ గెస్ట్ గా విచ్చేసిన విషయం తెలిసిందే. ఈ సందర్భంగా గతంలో వీరి మధ్య ఉన్న అనుబంధాన్ని పంచుకున్నారు. చిరంజీవి తనకు ఎప్పుడూ ఇన్‌స్పిరేషన్‌ అని మహేష్‌ పదే పదే చెబుతుంటారు. మహేష్‌ని చిరు తన అబ్బాయిగా భావిస్తుంటారు. తాజాగా మరోసారి తమ అనుబంధాన్ని చాటుకున్నారు.
ఇదిలా ఉంటే అభిమానులు సోషల్‌ మీడియాలో `హ్యాపీ బర్త్ డే మహేష్‌` యాష్‌ట్యాగ్‌ని ట్రెండ్‌ చేస్తున్నారు. ఇది ట్విట్టర్‌లో ఏకంగా నాలుగు మిలియన్లని దాటి ట్రెండ్‌ అవుతుంది. అన్ని సామాజిక మాధ్యమాల్లో కలిపి ఇది 25 మిలియన్లని దాటడం విశేషం. ఇక ప్రస్తుతం మహేష్‌ నటిస్తున్న `సర్కారు వారి పాట` చిత్రానికి సంబంధించిన మోషన్‌ పోస్టర్‌ని విడుదల చేశారు. పరశురామ్‌ దర్శకత్వంలో ఈ సినిమా రూపొందుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
