`జాతిరత్నాలు` సినిమాని బ్యాన్‌ చేయాలంటూ కేసు
నవీన్‌ పొలిశెట్టి, రాహుల్‌ రామకృష్ణ, ప్రియదర్శి ప్రధాన పాత్రధారులుగా ఆద్యంతం హిలేరియస్‌ కామెడీగా రూపొందిన `జాతిరత్నాలు` సినిమాని బ్యాన్‌ చేయాలంటూ కేసు నమోదైంది.
నవీన్‌ పొలిశెట్టి, రాహుల్‌ రామకృష్ణ, ప్రియదర్శి ప్రధాన పాత్రధారులుగా ఆద్యంతం హిలేరియస్‌ కామెడీగా రూపొందిన చిత్రం `జాతిరత్నాలు`. అనుదీప్‌ దర్శకత్వం వహించిన ఈ సినిమాని `మహానటి` ఫేమ్ నాగ్‌ అశ్విన్‌ నిర్మించారు. రెండు వారాల క్రితం విడుదలైన ఈ సినిమా హిలేరియస్‌ కామెడీగా దూసుకుపోతుంది. ఊహించని విధంగా కలెక్షన్లని రాబడుతుంది. ఇప్పటికే ఇది 35కోట్లకుపైగా వసూళ్లని రాబట్టినట్టు తెలుస్తుంది.
ఇదిలా ఉంటే ఈ సినిమాని బ్యాన్‌ చేయాలని కేసునమోదైంది. ఇందులోని ఓ డైలాగ్‌ వెటకారంగా ఉందని శివసేన డిమాండ్‌ చేస్తుంది. దీంతో సినిమాని నిషేధించాలని వారు కోరుతున్నారు. ఈ సినిమాలో స్వాతంత్ర సమరయోధులను కించపరిచారని, సినిమా దర్శకుడు, నిర్మాత, నటులపై చట్టపరంగా చర్యలు తీసుకోవాలని, సినిమాని బ్యాన్‌ చేయాలని శివసేన రాష్ట్ర ప్రధాన కార్యదర్శి భూమా గంగాధర్‌ బుధవారం కాచిగూడ పోలీస్‌ స్టేషన్‌లో ఫిర్యాదు చేశారు.
ఈ సందర్భంగా ఆయన మాట్లాడుతూ, `స్వాతంత్య్ర సమరయోధులు రాంప్రసాద్‌ బిస్మిల్‌ ఉరికంబం ఎక్కే ముందు పాడిన `సర్‌ ఫరోషికీ తమన్నా హబ్‌ హమారే దిల్ మీ హై..` కవితను `జాతిరత్నాలు` సినిమాలో `సర్‌ ఫరోషికీ తమన్నా, సమంతా, రష్మిక, తీనోసాథ్‌ హాయ్‌..` అంటూ వెటకారంగా పాడి అవమానించారని తెలిపారు. నేటి తరానికి తప్పుడు సందేశాన్ని అందించిన సినీ రచయిత, నిర్మాత, మ్యూజిక్‌ డైరెక్టర్, కవితను ఆలపించి అవమానపరిచిన గాయకులపై చట్టరీత్యా తగిన చర్యలు తీసుకోవాలని కోరారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
