నాని నెక్ట్స్ ఆ డైరెక్టర్ తోనేనా? నేచురల్ స్టార్ మళ్లీ అదే తప్పు చేయబోతున్నారా! డిటేయిల్స్
న్యూ టాలెంట్ ను ఎంకరేజ్ చేయడంలో నేచురల్ స్టార్ నాని (Nani) తనవంతుగా ప్రయత్నిస్తున్నారు. తన సినిమాలను కొత్త డైరెక్టర్లతోనే చేస్తున్న విషయం తెలిసిందే. ఈ క్రమంలో నాని31వ సినిమా డైరెక్టర్ పై స్ట్రాంగ్ బజ్ క్రియేట్ అయ్యింది.
 )
Followహిట్స్, ఫ్లాప్స్ ను లెక్కపెట్టకుండా.. మంచి సినిమాలను ప్రేక్షకులకు అందించేందుకు ప్రయత్నిస్తున్నారు నేచురల్ స్టార్ నాని. చివరిగా ‘శ్యామ్ సింగరాయ్’తో బ్లాక్ బాస్టర్ హిట్ ను సొంతం చేసుకున్నారు. ఆ జోష్ తో వరుస ప్రాజెక్ట్స్ ను లైన్ లో పెడుతున్నారు. మరోవైపు తన సినిమా ద్వారా కొత్త టాలెంట్ ను కూడా ఆడియెన్స్ కు పరిచయం చేస్తున్నారు నాని. ఈ క్రమంలో గతేడాది విడుదలైన ‘అంటే సుందరానికీ’ చిత్రంతో డెబ్యూ దర్శకుడిగా వివేక్ ఆత్రేయా (Vivek Athreya)ను పరిచయం చేశారు. ప్రేక్షకుల నుంచి కాస్తా మంచి రెస్పాన్స్ నే సంపాదించుకున్న ఈ చిత్రం బాక్సాఫీస్ వద్ద ఆశించిన మేర వసూళ్లు సాధించలేకపోయింది.
కానీ వివేక్ ఆత్రేయా డైరెక్షన్, తన రైటింగ్, క్యారెక్టరైజేషన్ విధానం పట్ల నాని, మేకర్స్ హ్యాపీగానే ఉన్నారని టాక్. దీంతో నాని తన తదుపరి చిత్రాన్ని మళ్లీ ఇదే డైరెక్టర్ తో చేయబోతున్నారని ఇండస్ట్రీలో టాక్ నడుస్తోంది. ఈసారి మరింత పక్కా ప్లానింగ్ తో హిట్ కొట్టే దిశగా చర్చలు జరుపుతున్నట్టుగా తెలుస్తోంది. దీనిపై ఎలాంటి అధికారిక ప్రటకన రాలేదు. కానీ ఇదే నిజమైతే ఫ్యాన్స్ మాత్రం ఎలా స్పందిస్తారో చూడాలి. మరికొందరు మాత్రం నాని మళ్లీ అదే తప్పుచేస్తున్నారేమోనని అభిప్రాయపడుతున్నారు.
ప్రస్తుతం గోదావరిఖనికి చెందిన మరో కొత్త దర్శకుడు శ్రీకాంత్ ఓదెలను ఇండస్ట్రీకి పరిచయం చేస్తూ ‘దసరా’ చిత్రాన్ని ప్రేక్షకుల ముందుకు తీసుకురాబోతున్నారు. స్టార్ హీరోయిన్ కీర్తి సురేష్ (Keerthy Suresh) మరోసారి నాని సరసన నటించింది. సముద్రఖని కీలక పాత్రలో నటిస్తున్నారు. మార్చి 30న పాన్ ఇండియన్ ఫిల్మ్ గా దేశవ్యాప్తంగా విడుదల కాబోతందీ చిత్రం. ప్రస్తుతం ప్రమోషన్స్ ను జోరుగా నిర్వహిస్తున్నారు. అదేవిధంగా ‘నాని30’, ‘హిట్ : ది థర్డ్ కేస్’లోనూ నటిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
