పవర్ స్టార్ పవన్ కళ్యాణ్ ఫ్యాన్స్, సాయితేజ్ ఫ్యాన్స్ `బ్రో` టీజర్ కోసం ఈగర్గా వెయిట్ చేస్తున్నారు. కానీ అనూహ్యంగా టీమ్ పెద్ద షాకిచ్చింది. టీజర్ డిలే అంటూ ప్రకటించింది.
`బ్రో` సినిమా టీజర్ కోసం ఎప్పుడెప్పుడా అని ఎదురుచూస్తున్న పవన్ కళ్యాణ్ ఫ్యాన్స్ కి నిరాశ ఎదురయ్యింది. టీజర్ అనుకున్న టైమ్కి రావడం లేదు. `బ్రో` టీజర్ని నేడు(గురువారం) సాయంత్రం ఐదు గంటల నాలుగు నిమిషాలకు రిలీజ్ చేస్తున్నట్టు టీమ్ ప్రకటించిన విషయం తెలిసిందే. రెండు మూడు రోజులుగా ఈ అప్డేట్తో హడావుడి చేస్తుంది టీమ్. అర్థగంట ముందు కూడా కౌంట్ డౌన్ అంటూ పోస్టర్ రిలీజ్ చేసింది. తీరా టైమ్కి ఝలక్ ఇచ్చింది. టీజర్ డిలే అవుతుందని వెల్లడించింది.
`అనుకోని సాంకేతిక లోపం బ్రో` టీజర్ మాస్ సెలబ్రేషన్లకు చిన్న విరామం ఇచ్చిందని మీకు తెలియజేయడానికి మేం చింతిస్తున్నాం. మేం దాన్ని పరిష్కరించడానికి ప్రయత్నిస్తున్నాం. దయజేసి మాకు కొంత టైమ్ ఇవ్వండి` అంటూ టీమ్ ప్రకటించింది. దీంతో పవన్ కళ్యాణ్ ఫ్యాన్స్ ఆశలపై నీళ్లు చల్లినట్టయ్యింది. అయితే ఎంత సేపు వెయిట్ చేయాలనేదానిపై క్లారిటీ ఇవ్వలేదు. ఈ సాయంత్రం ఎట్టకేలకు విడుదల చేయబోతుందని చెప్పొచ్చు. దీంతో పవన్ ఫ్యాన్స్ ఊపిరి బిగబట్టుకుని టీజర్ కోసం వేచి చూస్తున్నారు.
పవన్ కళ్యాణ్ హీరోగా, మెగా మేనల్లుడు కీలక పాత్రలో నటిస్తున్న చిత్రమిది. తమిళ దర్శకుడు, ప్రముఖ నటుడు సముద్రఖని దీనికి దర్శకత్వం వహిస్తున్నారు. ఈ సినిమాని పీపుల్స్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తున్నారు. ఈ సినిమా తమిళంలో రూపొంది హిట్ అయిన `వినోదయ సీతం` చిత్రానికి రీమేక్. తెలుగుకి తగ్గట్టుగా సముద్రఖని మార్పులు చేశారు.
సినిమా టీజర్ కోసం బుధవారం మంగళగిరిలో తన వారాహి రథ యాత్ర వద్ద డబ్బింగ్ చెప్పిన విషయం తెలిసిందే. దీంతో ఆ సమయంలోనే పవన్ ఈ టీజర్ని చూసి సంతోషం వ్యక్తం చేశారు. టీమ్తో కలిసి ఎంజాయ్ చేశారు. దీంతో టీజర్ పవర్ ప్యాక్డ్ గా ఉంటుందని ఫ్యాన్స్ భావించారు. దానికోసం వెయ్యి కళ్లతో వెయిట్ చేస్తున్నారు. అంతలోనే టీమ్ ఇలా వెయిటింగ్ ట్విస్ట్ ఇవ్వడంతో డిజప్పాయింట్ అవుతున్నారు. ఇక ఈ సినిమాని జులై 28న గ్రాండ్గా రిలీజ్ చేస్తున్నారు.
