`బిగ్బాస్` ఫేమ్ సయ్యద్ సోహైల్.. ఇప్పుడు `మిస్టర్ ప్రెగ్నెంట్`
బిగ్బాస్ పూర్తయిన వెంటనే ఆయనకు హీరోగా అవకాశాలు వచ్చాయి. అలా వచ్చిన వాటిలో అప్పిరెడ్డి చిత్రం ఒకటి. `జార్జిరెడ్డి` చిత్రాన్ని నిర్మించిన అప్పిరెడ్డి తన మైక్ మూవీస్ బ్యానర్లో శ్రీనివాస్ వింజనంపాటి దర్శకత్వంలో ఓ సినిమాని అనౌన్స్ చేశారు.
`బిగ్బాస్4`తో పాపులర్ అయ్యారు సయ్యద్ సోహైల్. ఈ షో విన్నర్ అభిజిత్ అయినా, అంతకంటే ఎక్కువ పాపులారిటీ సోహైల్ దక్కించుకున్నాడు. అందరి దృష్టిని ఆకర్షించాడు. ఆ పాపులారిటీనే ఆయనకు వరుసగా సినిమా అవకాశాలను తెచ్చిపెట్టింది. బిగ్బాస్ పూర్తయిన వెంటనే ఆయనకు హీరోగా అవకాశాలు వచ్చాయి. అలా వచ్చిన వాటిలో అప్పిరెడ్డి చిత్రం ఒకటి. `జార్జిరెడ్డి` చిత్రాన్ని నిర్మించిన అప్పిరెడ్డి తన మైక్ మూవీస్ బ్యానర్లో శ్రీనివాస్ వింజనంపాటి దర్శకత్వంలో ఓ సినిమాని అనౌన్స్ చేశారు.
ఈ సినిమా ప్రారంభమై చాలా రోజులవుతుంది. తాజాగా ఈ చిత్ర టైటిల్ని ప్రకటించారు. `మిస్టర్ ప్రెగ్నెంట్` అనే టైటిల్ని ఖరారు చేశారు. ఆదివారం ఈ విషయాన్ని అధికారికంగా ప్రకటించింది యూనిట్. అన్నపరెడ్డి, అప్పిరెడ్డి, రవిరెడ్డి సజ్జల సంయుక్తంగా నిర్మిస్తున్నారు. టైటిల్ రోల్లో సోహైల్ సందడి చేయబోతున్నారు. కథా కథనాల పరంగా చూస్తే `మిస్టర్ ప్రెగ్నెంట్` సినిమా టాలీవుడ్ లో ఓ కొత్త వినోదాత్మక, ప్రేమకథా చిత్రంగానే కాకుండా చక్కని ప్రయోగాత్మక సినిమా అవుతుందని తెలుస్తోంది.
చిత్ర నిర్మాతలు చెబుతూ, `హీరో సోహైల్ `మిస్టర్ ప్రెగ్నెంట్` చిత్రంలో ప్రెగ్నెంట్గా కనిపించనున్నాడు. అతని పాత్ర, కథాంశం విభిన్నంగా ఉంటాయి. పిల్లలకూ, పెద్దలకూ నచ్చేలా చిత్రాన్ని రూపొందిస్తున్నారు దర్శకుడు శ్రీనివాస్ వింజనంపాటి. ఈ చిత్రంలో సోహెల్ సరసన రూపా కొడవాయుర్ హీరోయిన్గా నటిస్తున్నారు. చిత్రీకరణ తుది దశలో ఉన్న మూవీని త్వరలోనే ప్రేక్షకుల ముందుకు తీసుకొచ్చేందుకు సన్నాహాలు చేస్తున్నాం` అని చెప్పారు.
నటీనటులు : సయ్యద్ సొహైల్ రియాన్, రూపా కొడువయుర్, సుహాసినీ మణిరత్నం, రాజా రవీంద్ర, బ్రహ్మాజీ, అలీ, హర్ష తదితరులు.
సాంకేతిక నిపుణులు : సినిమాటోగ్రఫీ - నిజార్ షఫీ, సంగీతం - శ్రావణ్ భరద్వాజ్, ఎడిటింగ్ - ప్రవీణ్ పూడి, ఆర్ట్ - గాంధీ నడికుడికర్, బ్యానర్ - మైక్ మూవీస్, పీఆర్వో - జీఎస్కే మీడియా, నిర్మాతలు - అప్పి రెడ్డి, రవిరెడ్డి సజ్జల, దర్శకత్వం - శ్రీనివాస్ వింజనంపాటి.