‘భగవంత్ కేసరి’ ట్రైలర్ రెడీ.. డేట్ ఫిక్స్ చేసిన మేకర్స్.. అఫీషియల్ అప్డేట్
బాలయ్య అభిమానులకు పూనకాలు తెప్పించే న్యూస్ అందింది. ‘భగవంత్ కేసరి’ నుంచి ట్రైలర్ సిద్ధమవుతోంది. తాజాగా రిలీజ్ డేట్ ను ఫిక్స్ చేసి అనౌన్స్ మెంట్ అందించారు. దీంతో ప్రమోషన్స్ ను కూడా జోరుగా షురు చేయనున్నారు.
రిలీజ్ డేట్ దగ్గరపడుతున్న కొద్దీ నందమూరి బాలకృష్ణ (Balakrishna) లేటెస్ట్ ఫిల్మ్ ‘భగవంత్ కేసరి’ (Bhagavanth Kesari) నుంచి సాలిడ్ అప్డేట్స్ అందుతున్నాయి. ఈ చిత్రాన్ని టాలెంటెడ్ డైరెక్టర్ అనిల్ రావిపూడి డైరెక్ట్ చేసిన విషయం తెలిసిందే. అభిమానులు ఎంతో ఆసక్తి ఎదురుచూస్తున్నారు. ఇటీవలే సినిమా షూటింగ్ పూర్తి చేసుకుంది. ప్రస్తుతం పోస్ట్ ప్రొడక్షన్ పనులు ఫుల్ స్వింగ్ లో కొనసాగుతున్నాయి. ఈ క్రమంలో యూనిట్ ఇంట్రెస్టింగ్ అప్డేట్స్ తో ప్రమోషన్స్ ను కూడా ప్రారంభించింది.
తాజాగా మేకర్స్ నుంచి అభిమానులకు అదిరిపోయే అప్డేట్ అందింది. ఇప్పటికే చిత్రం నుంచి వచ్చిన టీజర్, గ్లింప్స్ కు అదిరిపోయే రెస్పన్స్ వచ్చింది. ఈ క్రమంలో అభిమానులకు మరో పూనకాలు తెప్పించే అప్డేట్ అందించారు. Bhagavanth Kesari Trailer డేట్ ను అనౌన్స్ చేశారు. అక్టోబర్ 8న మాసీవ్ అప్డేట్ రానుందని అధికారికంగా ప్రకటించారు. దీంతో ఫ్యాన్స్ ఫుల్ ఖుషీ అవుతున్నారు. మరో మూడు రోజుల్లో ట్రైలర్ విడుదల కానుంది.
ఇప్పటికే చిత్రం నుంచి వచ్చిన రెండు పాటులు, గ్లింప్స్, టీజర్, జర్నీఆఫ్ భగవంత్ కేసరి అప్డేట్స్ కు అదిరిపోయే స్పందన లభించింది. దీంతో ట్రైలర్ పైనా హైప్ క్రియేట్ అయ్యింది. ట్రైలర్ విడుదల తర్వాత సినిమాపై మరింతగా అంచనాలు పెరగున్నాయని అర్థం అవుతోంది. ఈ చిత్రాన్ని షైన్ స్క్రీన్స్ బ్యానర్ పై గ్రాండ్ గా నిర్మించారు. కాజల్ అగర్వాల్ (Kajal Aggarwal) హీరోయిన్. యంగ్ సెన్సేషన్ శ్రీలీలా కూతురి పాత్రలో అలరించబోతోంది. మ్యూజిక్ డైరెక్టర్ థమన్ సంగీతం అందించారు. ఇందులో జాతీయ అవార్డు-విజేత నటుడు అర్జున్ రాంపాల్ నటిస్తున్నారు. ఈ చిత్రంతో టాలీవుడ్‌ కు ఎంట్రీ ఇస్తుండటం విశేషం. చిత్రానికి సినిమాటోగ్రఫీ: సి రామ్ ప్రసాద్, ఎడిటర్: తమ్మి రాజు, ప్రొడక్షన్ డిజైనర్: రాజీవ్. యాక్షన్‌ పార్ట్‌కి వి వెంకట్‌ కొరియోగ్రఫీ చేస్తున్నారు. దసరా కానుకగా అక్టోబర్ 19న ప్రేక్షకుల ముందుకు రానుంది.
