ఆ తరహా కథలు వింటున్న మంచు విష్ణు? ఈసారి రొటీన్ కు భిన్నంగా వస్తారా?
టాలీవుడ్ హీరో మంచు విష్ణు (Manchu Vishnu) త్వరలో మరో చిత్రంతో రాబోతున్నట్టు తెలుస్తోంది. ప్రస్తుతం స్టోరీల వేటలో పడ్డారని టాక్. ఈ సందర్భంగా ఇంట్రెస్టింగ్ బజ్ వినిపిస్తోంది.
 )
Followటాలీవుడ్ హీరో, మూవీ ఆర్టిస్ట్స్ ప్రెసిడెంట్ మంచు విష్ణు చివరిగా ‘జిన్నా’ చిత్రంతో ప్రేక్షకుల ముందుకు వచ్చారు. సినిమా విడుదల సమయంలో బాగానే ప్రచారం కూడా చేశారు. కానీ తీరా రిలీజ్ అయ్యాకా.. ఆశించిన మేర ఫలితాలనివ్వలేకపోయింది. టాక్ రాకపోవడంతో అటు బాక్సాఫీస్ వద్ద కూడా నష్టాలను మిగిల్చినట్టు ప్రచారం. యంగ్ హీరోయిన్ పాయల్ రాజ్ పుత్, సన్నీలియోన్ వంటి స్టార్స్ నటించినా ఆకట్టుకోలేకపోయింది. కానీ ఈ చిత్రంలోని జానపదానికి సంబంధించిన ఓ రెండు సాంగ్స్ మాత్రం బాగా ట్రెండ్ అయ్యాయి.
కాగా, ప్రస్తుతం మంచు విష్ణు తన తదుపరి చిత్రంపై ఫోకస్ పెట్టినట్టు సినీ వర్గాల్లో గుసగుసలుు వినిపిస్తున్నాయి. ఈ సందర్భంగా మంచి కథల కోసం వేట ప్రారంభించారంట. ఇప్పటికే ఆయా జోనర్లలో కథలు వింటున్నారని తెలుస్తోంది. అయితే ఈసారి పక్కా హిట్ కొట్టాలనే ఉద్దేశంతో ఉన్నారని, అందుకు తగ్గ కథలే వింటున్నారని సమాచారం. ఈక్రమంలో రోటీన్ కు భిన్నంగా కథలు చూస్తున్నారంట. పీరియాడిక్ డ్రామా జోనర్ లో కథలు వింటున్నారని అంటున్నారు. ఈ ఏడాదిలోనే సినిమాను అనౌన్స్ చేసి ప్రారంభించే అవకాశం ఉందని తెలుస్తోంది.
‘ఢీ’లాంటి హిట్ చిత్రాలతో అలరించిన మంచు విష్ణు కొన్నేండ్లుగా వరుసగా ఫ్లాప్స్ నే మూటగట్టుకుంటున్నారు. ఇక మంచు అభిమానులు ఆయన కంబ్యాక్ కోసం ఎదురుచూస్తున్నారు. ఈ సందర్భంగా మున్ముందు ఎలాంటి సినిమాలతో అలరిస్తాడన్నది ఆసక్తికరంగా మారింది. మరోవైపు నటుడిగానే కాకుండా.. అటు ‘మా’ అసోసియేషన్ ప్రెసిడెంట్ గానూ కొనసాగుతున్నారు. ఇక ప్రొడ్యూసర్ గానూ సినిమాలు నిర్మిస్తున్నారు. చివరిగా తండ్రి మోహన్ బాబు హీరోగా ‘సన్ ఆఫ్ ఇండియా’ను ప్రేక్షకుల ముందుకు తీసుకొచ్చారు.అదీ కాస్తా బెడిసికొట్టింది. దీంతో వెంటనే సినిమాన ప్రకటించకుండా కాస్తా గ్యాప్ తీసుకున్నారని అంటున్నారు. ఏదేమైనా ఆయా ఈవెంట్లు, ప్రెస్ మీట్లలో కనపిస్తూ ఆకట్టుకుంటున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
