ఇక బాహుబలిని అందుకోవడం ఎవరి తరం కాదు..లెక్కలివిగో..
- 50 రోజులు పూర్తయినా ఆగని బాహుబలి కలెక్షన్స్ ప్రభంజనం
- 1000కిపైగా థియేటర్లలో కొనసాగుతున్న బాహుబలి హవా
- చైనా రిలీజ్ తర్వాత దంగల్ కు షాకిచ్చేందుకు రెెడీ అవుతున్న బాహుబలి
భారతీయ చలన చిత్ర పరిశ్రమల చరిత్రలో ఎన్నడూ లేని విధంగా రికార్డుల మోత మ్రోగిస్తూ బాక్సాఫీసు రేసులో దూసుకెళ్లిన రాజమౌళి దృశ్య కావ్యం బాహుబలి-2 విజయవంతంగా 50 రోజులను పూర్తి చేసుకుని ఇంకా తన పరంపర కొనసాగిస్తోంది. కనీవినీ ఎరుగని రీతిలో బాక్సాఫీసు వద్ద ప్రభంజనం సృష్టించిన ఈ చిత్రం ఎవరూ అందుకోలేని శిఖరాలను అందుకుని యావత్ భారతదేశ ప్రేక్షకులను ఆశ్చర్య పరిచింది.
బాహుబలి-2 రిలీజ్ ముందు వరకు ఓ భారతీయ సినిమా సాధించిన అత్యధిక బాక్సాఫీసు స్కోర్ రూ. 700 కోట్లు(పికె) పైచిలుకు మాత్రమే. అయితే ఆ రికార్డును చెరిపేయడంతో పాటు రూ. 1000 కోట్లు, రూ. 1500 కోట్ల మార్కును అందుకున్న తొలి ఇండియన్ మూవీగా బాహుబలి2 చరిత్ర సృష్టించింది.
తెలుగులో విడుదలైన తొలి రోజే రూ. 121 కోట్లు వసూలు చేసిన రికార్డు క్రియేట్ చేసిన బాహుబలి-2 చిత్రం ఇప్పటి వరకు వరల్డ్ వైడ్ రూ. 1676 కోట్లు వసూలు చేసింది. తెలుగులో సమీప కాలంలో ఎవరూ అందుకోలేనంత ఎత్తుకు చేరుకుంది బాహుబలి. ఈ చిత్రం ఏపీ, తెలంగాణాల్లో కలిపి దాదాపు రూ. 300 కోట్ల గ్రాస్ కలెక్ట్ చేసింది. షేర్ విషయానికొస్తే... లాస్ట్ వీకెండ్ నాటికి ఈ చిత్రం 196 కోట్లను టచ్ అయింది. ఇంకా పలు చోట్ల సినిమా విజయవంతంగా ప్రదర్శితం అవుతున్న నేపథ్యంలో 200 కోట్ల షేర్ మార్కును అందుకునే అవకాశం ఉందని అంటున్నారు ట్రేడ్ విశ్లేషకులు.
ఇక హిందీలో బాహుబలి-2 మూవీ రూ. 500 కట్లు వసూలు చేసి.... ఈ మార్కును అందుకున్న తొలి హిందీ చిత్రంగా చరిత్ర సృష్టించింది. అమీర్ ఖాన్ ‘దంగల్' మూవీ చైనా రిలీజ్ తర్వాత బాహుబలి-2 వసూలు చేసిన రూ. 1500 కోట్ల మార్కును దాటేసి రూ. 2000 కోట్లను అందుకున్న సంగతి తెలిసిందే. అయితే జులైలో బాహుబలి-2 చిత్రాన్ని చైనాలో విడుదల చేసేందుకు ప్లాన్ చేస్తున్నారు. చైనా రిలీజ్ తర్వాత బాహుబలి-2 చిత్రం ‘దంగల్' రికార్డును బద్దలు కొట్టే అవకాశాలు పుష్కలంగా కనిపిస్తున్నాయి. సాహోరే బాహుబలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
