పెళ్ళి విషయంలో తడబడుతున్న అఖిల్.. అయ్యో పాపం!
అఖిల్ ప్రస్తుతం `మోస్ట్ ఎలిజిబుల్ బ్యాచ్లర్` చిత్రంలో నటిస్తున్నాడు. `బొమ్మరిల్లు` భాస్కర్ దర్శకత్వంలో ఈ సినిమా రూపొందుతుంది. ఇందులో పూజా హెగ్డే హీరోయిన్గా నటిస్తుంది. అఖిల్ సరసన రొమాన్స్ చేస్తుంది.
అక్కినేని హీరో అఖిల్ కెరీర్ని బాగానే ప్లాన్ చేశాడు. కానీ పెళ్ళి విషయంలోనే తడబడుతున్నాడు. మ్యారేజ్ లైఫ్ తనని షేక్ చేస్తుందట. ఒంటికాలిపై సాహసంలా మారిందని వాపోతున్నాడు. ఆయన బాధని చూసి అభిమానులు సైతం అయ్యో పాపం అంటున్నారు. మరి పెళ్ళి కాకుండానే అఖిల్ మ్యారేజ్ లైఫ్ విషయంలో ఎలా తడబడుతున్నాడనే డౌట్ వస్తోందా? అక్కడికే వస్తున్నా.
అఖిల్ ప్రస్తుతం `మోస్ట్ ఎలిజిబుల్ బ్యాచ్లర్` చిత్రంలో నటిస్తున్నాడు. `బొమ్మరిల్లు` భాస్కర్ దర్శకత్వంలో ఈ సినిమా రూపొందుతుంది. ఇందులో పూజా హెగ్డే హీరోయిన్గా నటిస్తుంది. బన్నీ వాసు, వాసు వర్మ సంయుక్తంగా నిర్మిస్తున్నారు. ఈ సినిమా దాదాపు చిత్రీకరణ చివరి దశకు చేరుకున్నట్టు తెలుస్తుంది. ఇదిలా ఉంటే తాజాగా సోమవారం ప్రీ టీజర్ని విడుదల చేశారు. ఇందులోనే అఖిల్ పెళ్లి విషయంలో పట్టుతప్పుతున్నాడట.
`హాయ్.. ఐ యామ్ హర్ష. ఒకబ్బాయి లైఫ్లో 50శాతం కెరీర్, మరో యాభై శాతం మ్యారీడ్ లైఫ్. కెరీర్ని సూపర్గా సెట్ చేశా. కానీ ఈ మ్యారీడ్ లైఫే.. అంటూ ఒంటికాలిపై నిలబడి రెండు చేతులు చాచి అయ్యయ్యో.. ` అంటూ తడబడుతున్నాడు. తాజాగా ఈ ప్రీ టీజర్ విశేషంగా ఆకట్టుకుంటుంది. అఖిల్పై రకరకాల కామెంట్లతో ఆయన అభిమానులు రెచ్చిపోతున్నారు. అఖిల్ రియల్ లైఫ్లో ఇప్పటికే ఓ అమ్మాయితో ఎంగేజ్మెంట్ చేసుకున్నాడు. ఆ తర్వాత అది బ్రేకప్ అయ్యింది. దానికి కారణాలేంటనేది మాత్రం తెలియరాలేదు. ఇదిలా ఉంటే ఈ చిత్ర టీజర్ని దసరా కానుకగా ఈ నెల 25న ఉదయం 11.40 నిమిషాలకు విడుదల చేయనున్నారు.