విడుదలై నెల రోజులు కాకముందే తునివు ఓటీటీలోకి రాబోతుండటం సిని వర్గాల్లో ఆసక్తికరంగా మారింది. తమిళంతో పాటు తెలుగు వెర్షన్ కూడా ఫిబ్రవరి 8 నుంచి స్ట్రీమింగ్ అవుతోంది.
ఈ ఏడాది సంక్రాంతికి భారీ అంచనాల మధ్య విడుదలైన ‘తెగింపు'(తమిళంలో తునివు) బాక్సాఫీస్ వద్ద మంచి హిట్ గా నిలిచిన సంగతి తెలిసిందేబ్యాంక్ రాబరీ నేపథ్యంలో రూపొందిన తెగింపు సినిమాలో మంజు వారియర్, సముద్రఖని కీలక పాత్రలు పోషించారు. సంక్రాంతి కానుకగా జనవరి 11న తెలుగుతో పాటు తమిళంతో ఒకేరోజు ఈ సినిమా ప్రేక్షకుల ముందుకొచ్చింది. జస్ట్ ఓకే సినిమా అనిపించుకుంది. కానీ అజిత్ కు ఉన్న క్రేజ్ తో తమిళంలో దుమ్ము రేపింది.
తాజాగా ఈ చిత్రం ఓటీటీ లోకి వచ్చింది. ఈ సినిమా ఫిబ్రవరి 8 నుంచి నెట్ ఫ్లిక్స్ లో స్ట్రీమింగ్ అవుతోంది. థియేటర్లలో విడుదలై నెల రోజులు కాకముందే తునివు ఓటీటీలోకి రాబోతుండటం సిని వర్గాల్లో ఆసక్తికరంగా మారింది. తమిళంతో పాటు తెలుగు వెర్షన్ కూడా ఫిబ్రవరి 8 నుంచి స్ట్రీమింగ్ అవుతోంది. థియేటర్లలో చూడలేకపోయిన చాలామంది ఓటీటీ రిలీజ్ కోసం వెయిట్ చేస్తున్నారు. వారికి ఇది శుభవార్త అని చెప్పాలి. వాళ్లంతా ఈ సినిమాని ఎగబడి చూస్తున్నారు.
ఓటీటిలో ఈ సినిమా పాపులారిటీలో ఛార్ట్ లలో నిముష నిముషానికి పెరిగిపోవటం చూసి నెట్ ఫ్లిక్స్ వారు సంబరపడిపోతున్నారు. ఈ సినిమా తెలుగు,తమిళ,మళయాళ,హిందీ,కన్నడ వెర్షన్స్ ...ట్రెండింగ్ లో ఉండటమే కాకుండా చాలా దేశాల్లో టాప్ 3 పొజీషన్ లో ఉంది. తమిళ, హిందీ, తెలుగు వెర్షన్స్ అయితే కంటిన్యూగా ట్రెండ్ లో టాప్ పొజీషన్స్ లో ఉన్నాయి.
ఇక ఓటిటి రిలీజ్ కోసం ఓ ప్రమోషనల్ వీడియో కూడా రిలీజ్ చేయటం కలిసొచ్చింది. దాంతో ఫ్యాన్స్ సోషల్ మీడియాలో హంగామా మొదలెట్టేసారు. థియేటర్లలో రిలీజ్ అయినప్పుడు ఏ రేంజిలో సందడి చేశారో.. ఇప్పుడు ఓటీటీ రిలీజ్ డేట్ అనౌన్స్ చేసిన తర్వాత కూడా అంతే సందడి చేయటం విశేషం.
ఇక రిలీజ్ కు ముందే ఈ సినిమా డిజిటల్ రైట్స్ ను రికార్డ్ ధరకు నెట్ ఫ్లిక్స్ దక్కించుకున్నట్లు సమాచారం. యాక్షన్ అంశాలకు సామాజిక సందేశాన్ని మేళవించి దర్శకుడు హెచ్ వినోద్ తునివు సినిమాను తెరకెక్కించాడు. ఇందులో డార్క్ డెవిల్ అనే ఇంటర్నేషనల్ క్రిమినల్ గా అజిత్ కనిపించాడు. అజిత్ క్యారెక్టర్జేషన్, యాక్టింగ్ అభిమానులను ఆకట్టుకున్నాయి. డివైడ్ టాక్ తెచ్చుకున్నా ...అజిత్ కు ఉన్న ఫ్యాన్ ఫాలోయింగ్ తో ...వరల్డ్ వైడ్ గా ఈ సినిమా 150 కోట్లకు పైగా కలెక్షన్స్ రాబట్టి నిర్మాతలకు భారీగా లాభాలను మిగిల్చింది.
