ఫైనల్ గా డైరెక్టర్ ని మార్చేసిన అజిత్!
కోలీవుడ్ హీరో అజిత్ మాత్రం పెద్దగా గ్యాప్ లేకుండా డైరెక్టర్ శివతో సినిమాలు చేస్తూనే ఉన్నాడు. 2014లో వీరమ్ తో మొదలైన ఈ కాంబో వేదలమ్ - వివేగం అంటూ హ్యాట్రిక్ విజయాల్ని నమోదు చేసుకుంది.
సాధారణంగా కాంబినేషన్ అంటే జనాల్లో క్రేజ్ ఓ రేంజ్ లో ఉంటుంది. అప్పట్లో కాంబినేషన్ అంటే బాగానే వర్కౌట్ అయ్యేది. మెయిన్ గా డైరెక్టర్ అండ్ హీరో కాంబో మినిమమ్ హిట్ అన్నట్లు సినిమాలు ఉండేవి. ఇప్పుడు అంచనాలు పెరిగిపోతుండడంతో ఆ ఫార్మాట్ వర్కౌట్ అవ్వడం లేదు. అయితే కోలీవుడ్ హీరో అజిత్ మాత్రం పెద్దగా గ్యాప్ లేకుండా డైరెక్టర్ శివతో సినిమాలు చేస్తూనే ఉన్నాడు.
2014లో వీరమ్ తో మొదలైన ఈ కాంబో వేదలమ్ - వివేగం అంటూ హ్యాట్రిక్ విజయాల్ని నమోదు చేసుకుంది. ఇక ఇప్పుడు విశ్వాసం అనే మరో సినిమా రెడీ అవుతోంది. అజిత్ వీరమ్ సినిమా తరువాత గౌతమ్ మీనన్ తో ఒక సినిమా చేశాడు. ఆ తరువాత వరుసగా మూడు సినిమాలు శివతో చేసిన అజిత్ నెక్స్ట్ శివని కొంచెం పక్కనపెట్టి వేరే దర్శకుడితో సినిమా చేయడానికి డిసైడ్ అయ్యాడు.
ఖాకి సినిమాతో మంచి హిట్ అందుకున్న వినోద్ అజిత్ నెక్స్ట్ సినిమాకు దర్శకత్వం వహించనున్నాడు. ఆ సినిమా బాలీవుడ్ పింగ్ మూవీకి రీమేక్ గా రాబోతోంది. అమితాబ్ నటించిన లాయర్ పాత్రలో అజిత్ ఆకట్టుకోనున్నాడు. ఇకపోతే శ్రీదేవి భర్త బోణి కపూర్ ఆ సినిమాను సొంత ప్రొడక్షన్ లో నిర్మించడానికి సిద్ధమవుతున్నారు. వచ్చే ఏడాదిలో సినిమాను సెట్స్ పైకి తీసుకెళ్లనున్నారు. గతంలో శ్రీదేవి నటించిన ఇంగ్లీష్ వింగ్లిష్ సినిమాలో అజిత్ అతిధి పాత్రలో కనిపించారు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
