హారర్ థ్రిల్లర్ తో భయపెట్టబోతున్న అదా శర్మ.. ఆకట్టుకుంటున్న కొత్త సినిమా పోస్టర్..
నటి అదా శర్మ ‘ది కేరళ స్టోరీ’తో భారీ సక్సెస్ అందుకున్న విషయం తెలిసిందే. ఇక ఇప్పుడు హారర్ థ్రిల్లర్ మూవీతో భయపెట్టేందుకు సిద్ధమవుతోంది. తాజాగా ఆ సినిమా పోస్టర్ రిలీజై ఆకట్టుకుంటోంది.
 )
Followబాలీవుడ్ నటి అదా శర్మ (Adah Sharma) ప్రస్తుతం విభిన్న కథలను ఎంచుకుంటూ ప్రేక్షకుల ముందుకు వస్తోంది. ఛాలెంజింగ్ రోల్స్ లో నటిస్తూ కెరీర్ లో మరింతగా దూసుకువెళ్తోంది. బాలీవుడ్ చిత్రాలతో నటిగా గుర్తింపు పొందిన అదా శర్మ ఇటు తెలుగు సినిమాల్లోనూ అలరించింది. పూరీ జగన్నాథ్ - నితిన్ కాంబోలో వచ్చిన ‘హార్ట్ ఎటాక్’ చిత్రంతో తెలుగు ప్రేక్షకులకు అదా శర్మ పరిచయం అయ్యింది. ఆ తర్వాత ‘సన్ ఆఫ్ సత్యమూర్తి’, ‘సుబ్రహ్మణ్యం ఫర్ సేల్’, ‘గరం’, ‘క్షణం’, ‘కల్కి’ వంటి సినిమాలతో మరింతగా పాపులారిటీని సొంతం చేసుకుంది.
కానీ ఈ ఏడాది ప్రేక్షకుల ముందుకు వచ్చిన ‘ది కేరళ’ (The Kerala Story) స్టోరీతో తన కెరీర్‌లో బిగ్గెస్ట్ హిట్ కొట్టింది. ప్రేక్షకాదరణ పొందడంతో పాటు బాక్సాఫీస్ వద్ద కూడా దుమ్ములేపింది. రూ.20 కోట్లతో తెరకెక్కిన ఈ చిత్రం ఏకంగా రూ.300 కోట్లకు పైగా వసూళ్లు రాబట్టి సెన్సేషన్ క్రియేట్ చేసింది. దీంతో అదాకు మంచి గుర్తింపు దక్కడంతో పాటు మరిన్ని ఆఫర్లు అందుతున్నాయి. ఈ క్రమంలో నెక్ట్స్ మరో ఇంట్రెస్టింగ్ మూవీతో అదా శర్మ ప్రేక్షకుల ముందుకు రానుంది.
అదా శర్మ నటిస్తున్న మరో ఇంట్రెస్టింగ్ ప్రాజెక్టే C.D (క్రిమినల్ ఆర్ డెవిల్). టైటిల్ తోనే సినిమా జానర్ అర్థమవుతోంది. కృష్ణ అన్నం దర్శకత్వంలో ఎస్‌ఎస్‌సిఎమ్ ప్రొడక్షన్స్ నిర్మిస్తున్న ఈ ఫిమేల్ సెంట్రిక్ సైకలాజికల్ హారర్ థ్రిల్లర్ నుంచి తాజాగా ఫస్ట్ లుక్ పోస్టర్ విడుదలైంది. పోస్టర్ చాలా ఇంట్రెస్టింగ్ గా ఉంది. అదా శర్మ ఎరుపు రంగు దుస్తుల్లో కనిపించింది. ఆమె ముఖంలో విచిత్రమైన వ్యక్తీకరణ కనిపిస్తుంది. అలాగే ఆమె ధరించిన చైన్‌కి ఒక కీ ఉంది. ఫోటో ఫ్రేమ్ నుండి కొన్ని భయంకరమైన చేతులు రావడం కూడా గమనించవచ్చు.. ఫస్ట్ లుక్ పోస్టర్ భయంకరంగానూ, ప్రాజెక్ట్ పై ఆసక్తిని కలిగించేలా ఉంది.
ఈ చిత్రంలో రోహిణి (జబర్దస్త్), భరణి శంకర్, రమణ భార్గవ్ మరియు మహేష్ విట్టా కీలక పాత్రల్లో నటిస్తున్నారు. విశ్వంత్ కథానాయకుడిగా నటిస్తున్నారు. ఈ చిత్రానికి ఎ.ముద్ద కృష్ణ కథ, మాటలు అందించగా, సతీష్ ముత్యాల సినిమాటోగ్రఫీని, ఆర్ఆర్ ధృవన్ సౌండ్‌ట్రాక్‌లను అందిస్తున్నారు. సత్య గిడుతూరి ఎడిటర్‌గా, రామకృష్ణ ఫైట్స్‌ను పర్యవేక్షిస్తున్నారు. త్వరలో సినిమాకు సంబంధించిన మరిన్ని అప్డేట్స్ రానున్నాయి. పోస్ట్ ప్రొడక్షన్ పనులు చివరి దశలో ఉన్నాయి. ఫస్ట్ లుక్ పోస్టర్ తో ప్రమోషన్స్ స్టార్ట్ చేశారు. ఇప్పటి నుంచి రెగ్యులర్ అప్ డేట్స్ ఇచ్చేందుకు ప్లాన్ చేస్తున్నారు. త్వరలోనే సినిమా విడుదల తేదీని ప్రకటించనున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
