రీనా దత్తా, కిరణ్ రావులతో విడాకుల గురించి ఆమిర్ ఖాన్ ఓపెన్ గా మాట్లాడారు. విడాకులు ఎవరికీ సులువు కాదని, తన కుటుంబానికి బాధ కలిగించిందని చెప్పారు.
సినిమా ప్రమోషన్స్ లో బిజీగా ఉన్న ఆమిర్ ఖాన్, తన పర్సనల్ లైఫ్ గురించి ఓ ఇంటర్వ్యూలో మాట్లాడారు. రీనా దత్తా, కిరణ్ రావులతో విడాకుల గురించి కూడా ఓపెన్ గా చెప్పారు.
ఆమిర్ ఖాన్ ఏం చెప్పారంటే
“ఇండియాలో పెళ్లి అనేది చాలా సీరియస్. విడాకులు తీసుకుంటే జనాలకి నచ్చదు. నాకూ అదే అనిపిస్తుంది. పెళ్లిని లైట్ గా తీసుకోకూడదు. నేను దాంతో పూర్తిగా ఏకీభవిస్తాను. అందుకే ఈ విషయంలో నిజాయితీగా ఉండాలనుకున్నాను. రీనాతో, కిరణ్ తో నా పెళ్లిళ్లు జరిగాయి, కానీ ఇప్పుడు మేము కలిసి ఉండలేకపోతున్నాం. ఇది మా అందరికీ బాధాకరం. మా కుటుంబాలు సంతోషంగా లేవు, మేమూ సంతోషంగా లేము.”
పానీ ఫౌండేషన్ కలిసి నడుపుతున్నారు
కొన్ని పరిస్థితుల వల్ల తమ బంధం మారిపోయిందని ఆమిర్ చెప్పారు. కిరణ్, తాను కలిసి సంతోషంగా ఉన్నట్టు నటించవచ్చని, కానీ అది నిజం కాదని అన్నారు. విడాకుల తర్వాత కూడా రీనా, కిరణ్ లతో కలిసి పానీ ఫౌండేషన్ కోసం పనిచేస్తున్నారు. “పెళ్లిళ్లలో నేను సక్సెస్ కాలేదు, కానీ విడాకులలో సక్సెస్ అయ్యాను” అని ఆమిర్ అన్నారు.
Related Articles
1986లో రీనా దత్తాను పెళ్లి చేసుకున్న ఆమిర్ కి ఇద్దరు పిల్లలు - ఇరా, జునైద్. 2002లో వాళ్లు విడిపోయారు. 2005లో కిరణ్ రావును పెళ్లి చేసుకున్న ఆమిర్ కి ఆజాద్ అనే కొడుకు పుట్టాడు. 2021లో వీళ్లు కూడా విడిపోయారు. ప్రస్తుతం ఆమిర్, గౌరీ స్ప్రాట్ తో డేటింగ్ చేస్తున్నట్టు వార్తలు వస్తున్నాయి.