కచ్చలూరు: ఇదే చోట రెండు ప్రమాదాలు
తూర్పు గోదావరి జిల్లాలోని దేవీపట్నం-కచలూరు సమీపంలో ఆదివారం నాడు బోటు మునిగిన ప్రాంతంలో గతంలో రెండు ప్రమాదాలు చోటు చేసుకొన్నాయి.
రాజమండ్రి: దేవీపట్నం-కచ్చలూరు ప్రాంతంలో రాయల్ పున్నమి బోటు ఆదివారం నాడు బోల్తా పడింది. గతంలో ఇదే ప్రాంతంలో రెండు ప్రమాదాలు చోటు చేసుకొన్నాయి. ఈ రెండు ప్రమాదాల్లో కూడ పెద్ద ఎత్తున .ప్రాణ నష్టం చోటు చేసుకొంది.
పాపికొండలను చూసేందుకు 61 మంది ప్రయాణీకులు రాయల్ పున్నమి బోటులో ఆదివారం నాడు బోటులో ప్రయాణాన్ని ప్రారంభించారు. గండి పోచమ్మ ఆలయం నుండి కొద్దిసేపటికే ఈ ప్రమాదం చోటు చేసుకొంది.
కచ్చలూరు ప్రాంతంలో 80 అడుగుల లోతు ఉంటుంది. ఈ ప్రాంతంలో గోదావరి నది సుడులు తిరుగుతూ ప్రవహిస్తోంది. 1964లో కచ్చలూరులో ఉదయ్ భాస్కర్ అనే బోటు మునిగింది. ఈ ఘటనలో 60 మంది మృతి చెందారు. ఈ ఘటన తర్వాత ఝాన్సీరాణి అనే బోటు మునిగి 8 మంది మృతి చెందారు. ఈ రెండు ప్రమాదాలు కచ్చలూరులోనే చోటు చేసుకొన్నాయి.
ఆదివారం నాడు కూడ కచ్చలూరు ప్రాంతంలోనే బోటు ప్రమాదానికి గురైంది. ప్రమాదం చోటు చేసుకొన్న సమయంలో బోటులో 61 మంది ఉన్నారని సమాచారం. బోటులో లైఫ్ జాకెట్లు వేసుకొన్న వారు బయట పడినట్టుగా సమాచారం..
"
సంబంధిత వార్తలు
పడవ బొల్తా: రంగంలోకి హెలికాఫ్టర్, ఎన్డీఆర్ఎఫ్ సిబ్బంది
బోటు మునక:సహాయక చర్యలకు సీఎం జగన్ ఆదేశం
తూ.గో జిల్లాలో బోటు మునిగి 41 మంది ఆచూకీ గల్లంతు
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
