Asianet News TeluguAsianet News Telugu

బిగ్ బాష్ లో పవర్ సర్జ్, ఎక్స్ ప్యాక్టర్, బూష్ బూస్ట్ నిబంధనలు... వ్యతిరేకించిన వాట్సన్

బిగ్ బాష్ లీగ్ ను మరింత ఆకర్షణీయంగా, ప్రేక్షకులను మరింతగా ఆకట్టుకునేందుకు మూడు కొత్త నిబంధనలను తీసుకువచ్చారు నిర్వహకులు. 

watson reacts on Three new rules of Big Bash League
Author
Hyderabad, First Published Nov 19, 2020, 7:34 AM IST

అంతర్జాతీయం:  భారత్ లో ఐపిఎల్ మాదిరిగానే ఆస్ట్రేలియాలో బిగ్ బాష్ లీగ్ ను నిర్వహిస్తున్న విషయం తెలిసిందే. అయితే ఈ లీగ్ ను మరింత ఆకర్షణీయంగా, ప్రేక్షకులను మరింతగా ఆకట్టుకునేందుకు మూడు కొత్త నిబంధనలను తీసుకువచ్చారు నిర్వహకులు. అయితే ఈ నిబంధనలు ఆటను తప్పుదారి పట్టించేలా వున్నాయని ఆస్ట్రేలియా స్టార్ క్రికెటర్ షేన్ వాట్సన్ తీవ్రంగా వ్యతిరేకించాడు. 

''బిగ్ బాష్ లీగ్ నిర్వహకులు జిమ్మిక్కులతో ప్రేక్షకులను ఆకర్షించాలని చూస్తున్నారే తప్ప ఆట నాశనం అవుతున్న విషయాన్ని గుర్తించడంలేదు. పవర్‌ సర్జ్‌, ఎక్స్‌-ఫ్యాక్టర్‌, బాష్‌ బూస్ట్ నిబంధనల గురించి చదివాను. టోర్నీ గురించి ఆలోచించడమే కాదు ఆట గురించి కూడా ఆలోచించి ఈ నిబంధనలపై నిర్ణయం తీసుకుంటూ బాగుండేది'' అని వాట్సన్ అభిప్రాయపడ్డారు. 

ఏమిటీ నిబంధనలు: 

ఎక్స్ ఫ్యాక్టర్: అంతర్జాతీయ క్రికెట్ నిబంధనల ప్రకారం ఇప్పటివరకు కేవలం సబ్‌స్టిట్యూట్‌ ఆటగాడు ఫీల్డింగ్ చేయడానికి మాత్రమే అనుమతి వుంటుంది. కానీ ఈ నిబంధన ప్రకారం సబ్‌స్టిట్యూట్‌ ఆటగాడు బ్యాటింగ్‌, బౌలింగ్ చేయొచ్చు. 

పవర్ సర్జ్: ఇది కూడా బ్యాటింగ్ జట్టుకు అనుకూలంగా వుండేలా తీసుకువచ్చిన నిబంధన. టీ20లో మొదటి ఆరు ఓవర్లు పవర్ ప్లే వుండగా దాన్ని నాలుగు ఓవర్లకు కుదించారు. మిగతా రెండు ఓవర్ల పవర్ ప్లే ను బ్యాటింగ్ జట్టు ఏ సమయంలోనైనా తీసుకోవచ్చు. 

బాష్ బూస్ట్: ఈ నిబంధన ప్రకారం ఏ జట్టయితే తొలి పది ఓవర్లలో అత్యధిక పరుగులు చేస్తుందో ఆ జట్టుకు ఒక బోనస్ పాయింట్ లభించనుంది. 
రెండు జట్ల స్కోర్లు సమానంగా ఉంటే తలో అర పాయింటు ఇస్తారు.  
 

Follow Us:
Download App:
  • android
  • ios