Asianet News TeluguAsianet News Telugu

‘‘ దేవుడిచ్చిన ఆశీర్వాదం ’’: కొడుకును చేతుల్లోకి తీసుకుని హార్దిక్ ఉద్వేగం

తన చిన్నారి బిడ్డను ప్రేమతో చేతుల్లోకి తీసుకుని తండ్రిగా ఉద్వేగానికి గురవుతున్న ఫోటోను శనివారం అభిమానులతో పంచుకున్నాడు. ‘‘ దేవుడు ఇచ్చిన ఆశీర్వాదం’’ అంటూ ఇన్‌స్టాగ్రామ్‌లో కామెంట్ పెట్టాడు.

team india cricketer hardik pandya shares picture his baby boy in instagram
Author
Mumbai, First Published Aug 1, 2020, 2:40 PM IST
  • Facebook
  • Twitter
  • Whatsapp

టీమిండియా విధ్వంసక ఆల్‌రౌండర్ హార్దిక్ పాండ్యా ఇటీవల తండ్రైన సంగతి తెలిసిందే. ఆయనకు కాబోయే భార్య సెర్బియన్ నటి నటాషా స్టాంకోవిక్‌ ఇటీవల పండంటి బాబుకు జన్మనిచ్చారు.

కుమారుడిని చేతిని పట్టుకున్న ఫోటోను పాండ్యా సోషల్ మీడియాలో షేర్ చేశాడు. తాజాగా తన చిన్నారి బిడ్డను ప్రేమతో చేతుల్లోకి తీసుకుని తండ్రిగా ఉద్వేగానికి గురవుతున్న ఫోటోను శనివారం అభిమానులతో పంచుకున్నాడు.

Also Read:పెళ్లికాకుండానే తండ్రైన హార్దిక్ పాండ్యా: మగబిడ్డకు జన్మనిచ్చిన కాబోయే భార్య

‘‘ దేవుడు ఇచ్చిన ఆశీర్వాదం’’ అంటూ ఇన్‌స్టాగ్రామ్‌లో కామెంట్ పెట్టాడు. దీంతో హార్దిక్‌కు క్రికెట్ ప్రముఖులు, అభిమానుల నుంచి శుభాకాంక్షలు వెల్లువెత్తుతున్నాయి. అనేక మంది హార్దిక్ పోస్టుకు లైకులు, కామెంట్‌లు చేయడంతో ప్రస్తుతం ఈ తండ్రి, కొడుకుల ఫోటో వైరల్‌గా మారింది.

కాగా హార్దిక్, నటాషా జోడీ ఈ ఏడాది జనవరి 1న తమ నిశ్చితార్ధం జరిగినట్లు ప్రకటించింది. ఆ తర్వాత మే 31న తాము తల్లిదండ్రులం కాబోతున్నట్లు ప్రపంచానికి తెలిపారు. తమ జీవితంలో ఈ కొత్త దశ ఎంతో థ్రిల్లింగ్‌గా ఉందని.. ఈ సమయంలో అభిమానుల ఆశీస్సులు, ప్రేమ కావాలని కోరారు. 

 

 

Follow Us:
Download App:
  • android
  • ios