క్రికెటర్ భారీ సిక్సర్: సెక్యూరిటీ సిబ్బందికి తగిలిన బంతి, వీడియో వైరల్
క్రికెట్ గ్రౌండ్‌లలో అప్పుడప్పుడు వింత సంఘటనలు జరుగుతుంటాయి. అయితే వాటిలో కొన్ని ప్రేక్షకులకు ఆనందాన్ని కలిగిస్తే.. మరికొన్ని స్టేడియంలో విషాదానికి కారణమవుతాయి.
క్రికెట్ గ్రౌండ్‌లలో అప్పుడప్పుడు వింత సంఘటనలు జరుగుతుంటాయి. అయితే వాటిలో కొన్ని ప్రేక్షకులకు ఆనందాన్ని కలిగిస్తే.. మరికొన్ని స్టేడియంలో విషాదానికి కారణమవుతాయి. తాజాగా ఓ క్రికెటర్ కొట్టిన బంతి నేరుగా వెళ్లి భద్రతా సిబ్బందికి తగిలింది.
వివరాల్లోకి వెళితే... ప్రస్తుతం న్యూజిలాండ్-ఇంగ్లాండ్ జట్ల మధ్య టెస్ట్ జరుగుతోంది. దీనిలో భాగంగా శనివారం హామిల్టన్‌ వేదికగా జరిగిన రెండో టెస్ట్ సందర్భంగా న్యూజిలాండ్ బ్యాటింగ్ చేస్తోంది. అప్పటికే కివీస్ 365 పరుగులకు 8 వికెట్లు కోల్పోయింది.
Also Read:ప్రియాంక రెడ్డి ఘటన: కోహ్లీ, అంబటి రాయుడు స్పందన ఇదీ...
ఈ క్రమంలో ఇంగ్లాండ్ బౌలర్ జోఫ్రా ఆర్చర్ వేసిన బంతిని న్యూజిలాండ్ ఆటగాడు శాంట్నర్ మిడాన్ దిశగా సిక్స్‌గా బాదాడు. గాల్లోకి లేచిన ఆ బంది నేరుగా వెళ్లి బౌండరీ లైన్ వద్ద విధులు నిర్వర్తిస్తున్న ఒక సెక్యూరిటి సిబ్బందికి తగలడంతో పాటు పక్కనే మ్యాచ్‌ను వీక్షిస్తున్న మహిళా ప్రేక్షకురాలిగా సైతం తగిలింది.
ఈ ఘటనతో బిత్తరపోయిన క్రికెటర్లు, అంపైర్లు సెక్యూరిటీ సిబ్బంది వద్దకు పరిగెత్తడంతో కొద్దిసేపు ఆటకు అంతరాయం ఏర్పడింది. సదరు వ్యక్తి తనకు ఏం కాలేదని చెప్పడంతో అంతా ఊపిరి పీల్చుకున్నారు.
Also read:ఇంత వివక్షా... క్రీడా సమాఖ్యల పరిపాలనకు మహిళలు పనికిరారా?
తర్వాత అతనికి విధుల నుంచి విశ్రాంతినిచ్చి వైద్య సేవలు అందించారు. అయితే ఈ ఘటనకు సంబంధించి వీడియో ప్రస్తుతం సోషల్ మీడియాలో వైరల్ అవుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
