India Vs West Indies 2nd ODI: టీమిండియాతో జరుగుతున్న రెండో వన్డేలో టాస్ గెలిచిన విండీస్.. కీరన్ పొలార్డ్ కు గాయం.. భారత జట్టులో ఒక మార్పు..
టీమిండియాతో జరుగుతున్న రెండో వన్డేలో వెస్టిండీస్ టాస్ గెలిచింది. ఇప్పటికే ఈ సిరీస్ లో తొలి వన్డే గెలిచి 1-0 ఆధిక్యంతో నిలిచిన రోహిత్ సేన.. రెండో వన్డేలో కూడా నెగ్గి సిరీస్ సొంతం చేసుకోవాలని చూస్తున్నది. అయితే కీలక వన్డేకు ముందు విండీస్ కు భారీ షాక్ తగిలింది. ఫిట్ గా లేకపోవడంతో ఈ వన్డే నుంచి ఆ జట్టు సారథి కీరన్ పొలార్డ్ తప్పుకున్నాడు. దీంతో ఆ జట్టు ఆటగాడు నికోలస్ పూరన్ తాత్కాలిక సారథిగా వ్యవహరిస్తున్నాడు.
ఇక కెఎల్ రాహుల్ రాకతో భారత్.. ఇషాన్ కిషన్ ను పక్కనబెట్టింది. తొలి మ్యాచులో అవకాశం రాని కుల్దీప్ యాదవ్.. ఈ వన్డే లో కూడా బెంచ్ కే పరిమితం కానున్నాడు. ఇషాన్ కిషన్ తప్ప భారత జట్టులో పెద్దగా మార్పులేమీ లేవు. ఇక రాహుల్ ఈ వన్డేలో ఆడుతున్నా.. అతడు మాత్రం ఓపెనింగ్ కు రాలేదు. రోహిత్ తో పాటుగా వికెట్ కీపర్ రిషభ్ పంత్ ఓపెనర్ గా వచ్చాడు.
మరోవైపు గాయపడ్డ కీరన్ పొలార్డ్ స్థానంలో ఓడెన్ స్మిత్ ఆడనున్నాడు. తొలి వన్డేలో ఓడిన ఆ జట్టు సిరీస్ ఆశలు సజీవంగా నిలుపుకోవాలంటే ఈ వన్డేలో కచ్చితంగా నెగ్గి తీరాల్సిందే.
జట్లు : టీమిండియా : రోహిత్ శర్మ (కెప్టెన్), కెఎల్ రాహుల్, విరాట్ కోహ్లి, రిషభ్ పంత్, సూర్యకుమార్ యాదవ్, దీపక హుడా, వాషింగ్టన్ సుందర్, శార్దూల్ ఠాకూర్, మహ్మద్ సిరాజ్, యుజ్వేంద్ర చాహల్, ప్రసిద్ధ్ కృష్ణ
వెస్టిండీస్ : షే హోప్, బ్రాండన్ కింగ్, డారెన్ బ్రావో, బ్రూక్స్, నికోలస్ పూరన్ (కెప్టెన్), జేసన్ హోల్డర్, అకీల్ హోసేన్, అలెన్, ఓడెన్ స్మిత్, అల్జారి జోసెఫ్, కీమర్ రోచ్
