Asianet News Telugu

ఆదుకున్న సిబ్లీ, స్టోక్స్: ముగిసిన తొలి రోజు ఆట.. పటిష్ట స్థితిలో ఇంగ్లాండ్

ఇంగ్లాండ్- వెస్టిండీస్ జట్ల మధ్య జరుగుతున్న రెండో టెస్టులో తొలి రోజు ఆట ముగిసే సమయానికి మెరుగైన స్థితిలో నిలిచింది.

England vs West Indies LIVE second Test score day one
Author
London, First Published Jul 17, 2020, 9:38 PM IST
  • Facebook
  • Twitter
  • Whatsapp

ఇంగ్లాండ్- వెస్టిండీస్ జట్ల మధ్య జరుగుతున్న రెండో టెస్టులో తొలి రోజు ఆట ముగిసే సమయానికి మెరుగైన స్థితిలో నిలిచింది. టాస్ ఓడి ముందుగా బ్యాటింగ్‌కు దిగిన ఇంగ్లాండ్ తొలి ఇన్నింగ్స్‌లో 82 ఓవర్లలో 3 వికెట్ల నష్టానికి 207 పరుగులు చేసింది.

డామ్ సిబ్లీ ( 86 బ్యాటింగ్ ), బెన్‌స్టోక్స్ (59 బ్యాటింగ్) అర్థ సెంచరీలు సాధించారు. వీరిద్దరు నాలుగో వికెట్‌కు 126 పరుగులు జోడించారు. కాగా వర్షం కారణంగా తొలి రోజు ఆట గంటన్నర ఆలస్యంగా ప్రారంభమైంది.

ఇంగ్లాండ్ ఓపెనర్లు బర్న్స్‌, సిబ్లీ తడబడుతూనే ఇన్నింగ్స్‌ను ప్రారంభించారు. ఆ తర్వాత కొద్దిసేపటికే స్పిన్నర్ ఛేజ్‌తో బౌలింగ్‌ చేయించిన విండీస్ వ్యూహం ఫలించింది. దీంతో ఇంగ్లాండ్ 29 పరుగులకే రెండు వికెట్లు  కోల్పోయి కష్టాల్లో పడింది.

ఈ క్రమంలో సిబ్లీ, కెప్టెన్ జో రూట్‌లు ఇన్నింగ్స్‌ను చక్కదిద్దేందుకు ప్రయత్నించారు. అయితే  జోసెఫ్ అల్జారి పదునైన ఔట్ స్వింగ్‌తో రూట్‌ను పెవిలియన్ చేర్చాడు. ఆ తర్వాత సిబ్లీ, స్టోక్స్ ఆచితూచి ఆడుతూ విండీస్ బౌలర్లను సమర్థవంతంగా ఎదుర్కొన్నారు. ఈ జోడీని విడదీసేందుకు వెస్టిండీస్ బౌలర్లు ఎంతగా ప్రయత్నించిన ఫలితం కనిపించలేదు. 

Follow Us:
Download App:
  • android
  • ios