గల్లీ క్రికెట్ కంటే దారుణంగా... కౌంటీ క్రికెట్లో చెత్త రికార్డు... 2 పరుగులకే ఆలౌట్, 10 మంది డకౌట్...
హంటింగ్డన్షైర్ కౌంటీ లీగ్లో బక్డెన్ క్రికెట్ క్లబ్, ఫాల్కన్ జట్ల మధ్య వన్డే మ్యాచ్లో దారుణమైన రికార్డు...
8.3 ఓవర్లలో 2 పరుగులకే ఆలౌట్ అయిన టీమ్... 10కి 10 మంది డకౌట్...
11 మంది ప్లేయర్లు ఉన్న టీమ్, ఎంత పర్ఫామెన్స్ ఇచ్చినా కనీసం రెండంకెల్ స్కోరు అయినా దాటుతుంది. గల్లీ క్రికెట్ కంటే దారుణంగా రెండు, రెండంటే రెండే పరుగులకి ఆలౌట్ అయింది ఓ జట్టు. ఇది ఏ కాలనీ క్రికెట్లోనే, లేక స్కూల్ గేమ్లోనో జరిగింది కాదు. క్రికెట్కి పుట్టినిల్లు అయిన ఇంగ్లాండ్ కౌంటీ క్రికెట్లో...
హంటింగ్డన్షైర్ కౌంటీ లీగ్లో బక్డెన్ క్రికెట్ క్లబ్, ఫాల్కన్ జట్ల మధ్య వన్డే మ్యాచ్ జరిగింది. ఫాల్కన్ మొదట బ్యాటింగ్ చేసి 6 వికెట్ల నష్టానికి 260 పరుగులు చేసింది. ఆ తర్వాత 261 పరుగుల టార్గెట్తో బరిలో దిగిన బక్డెన్ క్రికెట్ క్లబ్, 8.3 ఓవర్లలో 2 పరుగులకే ఆలౌట్ అయ్యింది.
బక్డెన్ జట్టులోని బ్యాట్స్మెన్ అందరూ డకౌట్ అయ్యారు. ఆ జట్టుకి వచ్చిన రెండు పరుగులు కూడా వైడ్ రూపంలో ఒకటి, బై రూపంలో ఒకటి వచ్చాయి. అయితే ఈ మ్యాచ్లో మెయిన్ జట్టు ప్లేయర్లు అంతా వివిధ కారణాలతో బరిలో దిగకపోవడంతో అప్పటికప్పుడు రెండో జట్టుతో బరిలో దిగడం వల్లే ఇలా జరిగిందని తెలియచేశారు బక్డెన్ టీమ్ మేనేజ్మెంట్...