IPL 2020 సీజన్ 13లో మొట్టమొదటిసారి మంచి స్కోరు చేసింది సన్‌రైజర్స్ హైదరాబాద్. టాస్ ఓడి బ్యాటింగ్ చేసిన ఆరెంజ్ ఆర్మీ, నిర్ణీత 20 ఓవర్లలో 4 వికెట్లు కోల్పోయి 162 పరుగులు చేసింది. ఓపెనర్లు డేవిడ్ వార్నర్, జానీ బెయిర్‌స్టో మరోసారి మంచి భాగస్వామ్యం నెలకొల్పారు. మొదటి వికెట్‌కి 77 పరుగుల భాగస్వామ్యం నెలకొల్పిన తర్వాత 33 బంతుల్లో 3 ఫోర్లు, 2 సిక్సర్లతో  45 పరుగులు చేసిన డేవిడ్ వార్నర్ అవుట్ అయ్యాడు. 

మనీశ్ పాండే 3 పరుగులకే పెవిలియన్ చేరినా... జానీ బెయిర్‌స్టో 2 ఫోర్లు, ఓ సిక్సర్‌తో 53 పరుగులు చేసి అవుట్ అయ్యాడు. మొదటి రెండు మ్యాచుల్లో ఆడని కేన్ విలియంసన్ వస్తూనే మెరుపులు మెరిపించాడు. 26 బంతుల్లో 5 ఫోర్లతో 41 పరుగులు చేసిన విలియంసన్ ఆఖరి ఓవర్లో అవుట్ అయ్యాడు.