గ్లెన్ మాక్స్‌వెల్ విధ్వంసం.. ఫోర్లు, సిక్సర్లతో విరుచుకుప‌డుతూ వెస్టిండీస్ పై సూప‌ర్ సెంచ‌రీ
Glenn Maxwell: అడిలైడ్ ఓవల్ వేదిక‌గా వెస్టిండీస్ తో జ‌రుగుతున్న రెండో టీ20లో ఆస్ట్రేలియా విజ‌యం సాధించింది. గ్లెన్ మ్యాక్స్ వెల్ విండీస్ బౌల‌ర్ల‌ను ఉతికిపారేస్తూ టీ20 క్రికెట్ లో మరో సెంచ‌రీ సాధించాడు.
AUS vs WI - Glenn Maxwell: రోహిత్ శర్మ తర్వాత ఐదు టీ20ల్లో సెంచరీలు చేసిన రెండో బ్యాటర్‌గా ఆస్ట్రేలియా ఆల్‌రౌండర్ గ్లెన్ మాక్స్‌వెల్ చరిత్ర సృష్టించాడు. ఆదివారం అడిలైడ్ ఓవల్‌లో వెస్టిండీస్‌తో జరిగిన రెండో టీ20లో విధ్వంసం సృష్టిస్తూ సెంచ‌రీ కొట్లాడు. 55 బంతుల్లో 120 పరుగులతో అజేయంగా నిలిచాడు. తన ఇన్నింగ్స్ తో 12 ఫోర్లు, 8 సిక్స‌ర్లు బాదాడు.
అడిలైడ్‌లో ఒక రోజు ఆసుపత్రిలో చేరిన వివాదంతో సిరీస్‌లోకి వచ్చిన గ్లెన్ మాక్స్‌వెల్, హోబర్ట్‌లో జరిగిన మొదటి టీ20లో 10 పరుగులు మాత్రమే చేశాడు. రెండో టీ20లో తన విశ్వ‌రూపం ప్ర‌ద‌ర్శించాడు. విండీస్ బౌలింగ్ ను ఉతికిపారెస్తూ బౌండ‌రీల మోత మోగించారు. పవర్‌ప్లే ముగిసే సమయానికి నెం.4 వద్ద బ్యాటింగ్‌కు వచ్చిన మాక్స్‌వెల్ వెస్టిండీస్ బౌలర్లకు చుక్క‌లు చూపించాడు. 12 ఫోర్లు, 8 సిక్సర్లతో చెల‌రేగాడు. అయితే, ఈ ఇన్నింగ్స్ లో 109 మీటర్ల భారీ సిక్స్ కొట్టాడు. ఇది మ్యాచ్ లో హైలెట్ గా నిలిచింది. కుడిచేతి వాటం బ్యాటర్ అల్జారీ జోసెఫ్ చేసిన లెంగ్త్ డెలివరీని మిడ్-వికెట్ బౌండరీపై విపరీతమైన స్లాగ్‌తో పంపాడు. బంతి సులభంగా భారీ సిక్స‌ర్ గా మారింది.
గ్లెన్ మాక్స్‌వెల్ అద్భుత‌మైన ఇన్నింగ్స్ తో ఆస్ట్రేలియా 241-4 పరుగులు చేసింది. 242 ప‌రుగుల టార్గెట్ తో బ‌రిలోకి దిగిన వెస్టిండీస్ 20 ఓవ‌ర్ల‌లో 207/9 పరుగులు చేసింది. రోవ్‌మన్ పావెల్ 63 పరుగులతో వెస్టిండీస్ త‌ర‌ఫున టాప్ స్కోర‌ర్ గా నిలిచాడు. గ్లెన్ మ్యాక్స్ వెల్ మాట్లాడుతూ.. ఈ పాజిటివ్ నాక్ ఆడ‌టం చాలా సంతోషంగా ఉంద‌ని తెలిపాడు. ఎప్పుడు తాను అత్యుత్త‌మ ఇన్నింగ్స్ కోసం కృషి చేస్తాన‌నీ, దాని కోసం తన బ్యాట్ వేగంపై ఆధార‌ప‌డ‌తాన‌ని మ్యాక్స్ వెల్ చెప్పాడు.
Under 19 World Cup final: భార‌త్ ను ఇక్క‌డ కూడా దెబ్బ‌కొట్టారు.. !
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
