31 ఓవర్లు ముగిసే సమయానికి 4 వికెట్లు కోల్పోయి 156 పరుగులు చేసిన భారత జట్టు... ఇషాన్ కిషన్ హాఫ్ సెంచరీ..
ఆసియా కప్ 2023 టోర్నీలో వెంటవెంటనే 4 వికెట్లు కోల్పోయిన టీమిండియాని ఇషాన్ కిషన్, హార్ధిక్ పాండ్యా కలిసి ఆదుకున్నారు. ఈ ఇద్దరి పోరాటం కారణంగా 34 ఓవర్లు ముగిసే సమయానికి 4 వికెట్లు కోల్పోయి 178 పరుగులు చేసింది భారత జట్టు..
టాస్ గెలిచి బ్యాటింగ్ ఎంచుకున్న భారత జట్టుకి ఐదో ఓవర్లో తొలి షాక్ తగిలింది. వర్షం కారణంగా కాసేపు అంతరాయం కలిగి, ఆట తిరిగి ప్రారంభమైన తర్వాత వెంటవెంటనే 2 వికెట్లు కోల్పోయింది టీమిండియా. 22 బంతుల్లో 2 ఫోర్లతో 11 పరుగులు చేసిన రోహిత్ శర్మను షాహీన్ ఆఫ్రిదీ క్లీన్ బౌల్డ్ చేశాడు..
వస్తూనే ఫోర్ బాది ఖాతా తెరిచిన విరాట్ కోహ్లీ కూడా షాహీన్ ఆఫ్రిదీ బౌలింగ్లోనే పెవిలియన్ చేరాడు. 27 పరుగులకే 2 వికెట్లు కోల్పోయింది భారత జట్టు. 5 నెలల తర్వాత క్రికెట్ ఆడుతున్న శ్రేయాస్ అయ్యర్, 2 ఫోర్లు బాది మంచి టచ్లో ఉన్నట్టు కనిపించాడు.
9 బంతుల్లో 2 ఫోర్లతో 14 పరుగులు చేసిన శ్రేయాస్ అయ్యర్, హారీస్ రౌఫ్ బౌలింగ్లో ఫుల్ షాట్ ఆడబోయి ఫకార్ జమాన్కి ఈజీ క్యాచ్ ఇచ్చి అవుట్ అయ్యాడు. 32 బంతుల్లో ఓ ఫోర్తో 10 పరుగులు చేసిన శుబ్మన్ గిల్ కూడా హారీస్ రౌఫ్ బౌలింగ్లోనే పెవిలియన్ చేరాడు.
66 పరుగులకే 4 వికెట్లు కోల్పోయి పీకల్లోతు కష్టాల్లో పడింది భారత జట్టు. ఈ దశలో ఇషాన్ కిషన్, హార్ధిక్ పాండ్యా కలిసి టీమిండియాని ఆదుకున్నారు. 53 బంతుల్లో ఇషాన్ కిషన్ హాఫ్ సెంచరీ అందుకున్నాడు. వన్డేల్లో ఇషాన్ కిషన్కి ఇది ఏడో హాఫ్ సెంచరీ కాగా మిడిల్ ఆర్డర్లో మొట్టమొదటిది. ఇంతకుముందు ఇషాన్ కిషన్ చేసిన 6 వన్డే హాఫ్ సెంచరీలు కూడా ఓపెనర్గా చేసినవే..
వెస్టిండీస్ టూర్లో వన్డేల్లో వరుసగా హ్యాట్రిక్ హాఫ్ సెంచరీలు చేసిన ఇషాన్ కిషన్కి ఇది వరుసగా నాలుగో హాఫ్ సెంచరీ స్కోరు. మహ్మద్ నవాజ్ బౌలింగ్లో సిక్సర్ బాదిన ఇషాన్ కిషన్, ఐదో వికెట్ భాగస్వామ్యాన్ని 100 పరుగులకు చేర్చాడు. మరో వైపు 62 బంతుల్లో 3 ఫోర్లతో హాఫ్ సెంచరీ అందుకున్నాడు హార్ధిక్ పాండ్యా. వన్డేల్లో హార్ధిక్ పాండ్యాకి ఇది 11వ హాఫ్ సెంచరీ..
