ప్రముఖ ఫుడ్ డెలివరీ యాప్ లో స్విగ్గీ (Swiggy)కి ప్రత్యేక స్థానం ఉంది. ప్రతి నిత్యం ఈ యాప్ ద్వారా వేలాది మంది ఫుడ్ ఆర్డర్స్ పెడుతుంటారు. అయితే.. ఇందులో డెలివరీ బాయ్స్ కీలక పాత్ర పోషిస్తుంటారు. ఆర్డర్ చేయడం ఆలస్యం.. వెంటనే వాటిని తీసుకుని ఇంటి వరకు చేరవేస్తుంటారు. వీరి విషయంలో స్విగ్గీ సంస్థ కీలక నిర్ణయం తీసుకుంది.
ప్రముఖ ఫుడ్ డెలివరీ యాప్ స్విగ్గీ కీలక నిర్ణయం తీసుకుంది. సంస్థ విస్తరణలో భాగంగా పలు చర్యలు తీసుకుంటోంది. ఇందులో భాగంగా స్విగ్గీ తన డెలివరీ బాయ్స్ పూర్తిస్థాయి ఉద్యోగులుగా మారే అవకాశం కల్పిస్తోంది. నిర్వహణ సంబంధిత స్థాయిలో ఉద్యోగ అవకాశాలను ఇవ్వడంతో పాటు స్థిరమైన ఆదాయం, అదనపు ప్రయోజనాలను అందిస్తామని తెలిపింది. ప్రస్తుతం స్విగ్గీ డెలివరీ ఎగ్జిక్యూటివ్స్గా పని చేస్తున్న వారు స్టెప్ ఎ హెడ్ కార్యక్రమం కింద ఈ ఉద్యోగాలలో చేరవచ్చు.
డెలివరీ ఎగ్జిక్యూటివ్స్ తమ సంస్థకు వెన్నెముక అని స్విగ్గీ ఎప్పటికీ నమ్ముతుందని, దేశవ్యాప్తంగా 2.7 లక్షల మందికి ఆదాయ అవకాశాలు కల్పించిందని, చదువుకుంటూ, ఉద్యోగం చేస్తూ పార్ట్ టైమ్ ఉద్యోగంగా లేదా అదనపు ఆదాయ వనరుగా చాలామంది పని చేస్తున్నరని తెలిపింది. అలాంటి వారి కోసం తాము మరిన్ని అవకాశాలు కల్పిస్తున్నట్లు తెలిపింది. స్టెప్ ఎ హెడ్ పేరుతో సంస్థ నిర్వహణ స్థాయిలో వైట్ కాలర్ ఉద్యోగులుగా మారే అవకాశం కల్పిస్తున్నట్లు తెలిపింది.
స్విగ్గీ ఫుల్ టైమ్ ఉద్యోగిగా పని చేయడానికి డెలివరీ ఎగ్జిక్యూటివ్లో డిగ్రీ పట్టభద్రులై, చక్కటి కమ్యూనికేషన్ స్కిల్స్, కంప్యూటర్ పరిజ్ఞానం కలిగి ఉండాలి. ప్లీట్ మేనేజర్స్గా వివిధ పాత్రలు పోషించవలసి ఉంటుంది. డెలివరీ బాయ్స్ లాగ్-ఇన్ అవర్స్, డెలివరీ క్యాన్సిలేషన్స్, సమస్యల పరిష్కారం, డెలివరీ ఎగ్జిక్యూటివ్స్ కోసం ప్రత్యేక ప్రాజెక్టులపై పని చేయవలసి ఉంటుంది. డెలివరీ ఎగ్జిక్యూటివ్స్ నుండి 20 శాతం మందిని ప్లీట్ మేనేజర్లుగా నియమించుకోవాలని స్విగ్గీ యోచిస్తోంది. ఎక్కువ కాలం స్విగ్గీలో పని చేసిన వారికి ప్రాధాన్యత ఉంటుంది.
ప్రమాద బీమా, పర్సనల్ లోన్స్, న్యాయ సలహా ఇతరత్రా సౌకర్యాలను అందిస్తోంది. ఇందులో మహిళలు కూడా ఉండడం విశేషం. చదువుకుంటూ.. పార్ట్ టైం జాబ్ లేక అదనపు డబ్బుల కోసం స్విగ్గీ (Swiggy)లో పని చేస్తున్నారు. ఇలాంటి వారి కోసం మరిన్ని అవకాశాలు కల్పించాలని అనుకుంటున్నట్లు స్విగ్గీ వెల్లడించింది. అందులో భాగంగా స్టెప్ ఎ హెడ్ పేరిట సంస్థ నిర్వహణ సంబంధిత స్థాయిలో ఉద్యోగులుగా మారే అవకాశం ఉందని సంస్థ నిర్వహణ ఉపాధ్యక్షులు మిహిర్ రాజేశ్ షా తెలిపారు. ఇక ఇందులో ఫుల్ టైమ్ జాబ్ లో పని చేయాలంటే.. డెలివరీ ఎగ్జిక్యూటివ్ లో డిగ్రీ పట్టభద్రులై ఉండాల్సి ఉంటుంది. అంతేగాకుండా.. చక్కటి కమ్యూనికేషన్ స్కిల్స్, కంప్యూటర్ పై అవగాహన కలిగి ఉండాలి. ప్లీట్ మేనేజర్స్ గా వివిధ రకాల పాత్రలను వారు పోషించాల్సి ఉంటుంది. డెలివరీ ఎగ్జిక్యూటివ్ లో నుంచి 20 శాతం మందిని ప్లీట్ మేనేజర్స్ గా నియమించుకోవాలని ప్రస్తుతం స్విగ్గీ యోచిస్తోంది. అత్యధిక కాలం స్విగ్గీ కోసం పని చేసిన వారికి కంపెనీ ప్రాధాన్యం కల్పించనున్నట్లు సంస్థ తెలిపింది.
