First Cry సంస్థలో 2 శాతం వాటాలను విక్రయించిన సాఫ్ట్ బ్యాంక్...వాటాలు ఎవరు సొంతం చేసుకున్నారంటే..?

ఫస్ట్‌క్రైలో 29 శాతం వాటాను కలిగి ఉన్న  ఇన్వెస్ట్మెంట్  బ్యాంకర్ సాఫ్ట్‌బ్యాంక్ తన వాటాను దాదాపు 2 శాతం తగ్గించుకుంది. భారతదేశానికి చెందిన ముగ్గురు కుటుంబ పెట్టుబడిదారులు ఈ-కామర్స్ సంస్థ ఫస్ట్‌క్రైలో సుమారు రూ. 435 కోట్లకు వాటాను సాఫ్ట్ బ్యాంక్ నుంచి కొనుగోలు చేశారు. ఎకనామిక్ టైమ్స్ రిపోర్ట్ ప్రకారం, ఈ పెట్టుబడిదారులలో రంజన్ పాయ్ MEMG ఫ్యామిలీ ఆఫీస్, హర్ష్ మారివాలా, షార్ప్ వెంచర్స్, హేమేంద్ర కొఠారీ, DSP ఫ్యామిలీ ఆఫీస్ ఉన్నాయి.

SoftBank ఇన్వెస్ట్ మెంట్ బ్యాంక్ FirstCryలో తన వాటాను తగ్గించుకుంది

ఈ ఇన్వెస్టర్లందరూ సాఫ్ట్‌బ్యాంక్ నుంచి వాటాను కొనుగోలు చేశారు. వాస్తవానికి, జపాన్‌కు చెందిన ఇన్వెస్టర్ కంపెనీ సాఫ్ట్‌బ్యాంక్ ఇ-కామర్స్ సంస్థలో తన వాటాను తగ్గించుకోవాలనుకుంటోంది. ఫస్ట్‌క్రైలో 29 శాతం వాటాను కలిగి ఉన్న పెట్టుబడి సంస్థ తన వాటాను దాదాపు 2 శాతం తగ్గించుకుంది. నివేదికల ప్రకారం, ఫస్ట్‌క్రై ఆగస్టు 14న రంజన్ పాయ్ నుండి 250 కోట్ల రూపాయల పెట్టుబడిని అందుకుంది.

ఫస్ట్‌క్రై చీఫ్ ఎగ్జిక్యూటివ్ సుపమ్ మహేశ్వరి ఎకనామిక్ టైమ్స్ పత్రికతో తెలిపిన వివరాల ప్రకారం కంపెనీ ప్రారంభ పెట్టుబడిదారులు సంస్థ విజయానికి కీలక పాత్ర పోషించారని తెలిపారు.  పెట్టుబడిదారులకు అనేక రకాల రాబడిని అందించడంలో కంపెనీకి సహాయపడిందని పేర్కొన్నారు. భారతదేశంలో పెద్ద విజయవంతమైన వ్యాపారాలను అభివృద్ధి చేయడంలో అసాధారణమైన ట్రాక్ రికార్డ్, అనుభవం తీసుకువచ్చే కొత్త పెట్టుబడిదారులను ఆయన స్వాగతించారు.

కంపెనీలో మహీంద్రా రిటైల్‌కు 12-13 శాతం వాటా ఉంది

FirstCryలోని ఇతర పెట్టుబడిదారులలో మహీంద్రా రిటైల్, TPG,ప్రేమ్‌జీ ఇన్వెస్ట్ ఉన్నాయి. మహీంద్రా రిటైల్ కంపెనీలో 12-13 శాతం వాటాను కలిగి ఉండగా, ప్రేమ్‌జీ ఇన్వెస్ట్ కంపెనీలో దాదాపు 9-11 శాతం వాటాను కలిగి ఉంది.

FirstCry తన IPOను వచ్చే ఏడాది ప్రారంభించాలని ప్లాన్ చేస్తున్న సమయంలో SoftBank ఈ చర్య తీసుకుంది. సాఫ్ట్‌బ్యాంక్ విజన్ ఫండ్ మేనేజింగ్ పార్ట్‌నర్ మరియు CFO నవనీత్ గోవిల్ 2023 చివరి నాటికి ఫస్ట్‌క్రై తన డ్రాఫ్ట్ పేపర్‌లను ఫైల్ చేయవచ్చని భావిస్తున్నారు. 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Startup
• Business
• Stock Market