పెట్రోల్ ధరలు గురువారం స్థిరంగా కొనసాగాయి. డీజిల్ రేట్లు కూడా నిలకడగానే ఉన్నాయి. దీంతో వాహనదారులకు ఇది ఊరట కలిగించే అంశమని చెప్పుకోవచ్చు. అయితే ఇంధన ధరలు గత 17 రోజుల్లో ఏకంగా రూ. 10 మేర పెరిగాయి. 

దేశంలో చమురు ధరలు ఆకాశన్నంటుతున్నాయి. ప్రభుత్వాలు వాహనదారులకు చుక్కలు చూపిస్తున్నాయి. సామాన్యుల జేబులకు చిల్లులు పడుతున్నాయి. ఇంధన ధరల పెరుగుదల వల్ల చాలా మందిపై ఎఫెక్ట్ పడుతోంది. గత 17 రోజుల్లోనే పెట్రోల్, డీజిల్ ధరలు రూ. 10 మేర పైకి చేరాయి. ఆయిల్ మార్కెటింగ్ కంపెనీలు రేట్లను పెంచుకుంటూనే వస్తున్నాయి. అయితే ఏప్రిల్ 7న మాత్రం ఇంధ‌న ధ‌ర‌లు స్థిరంగానే ఉన్నాయి.

ఇండియన్ ఆయిల్ కార్పోరేషన్ లిమిటెడ్ (IOCL) చమురు ధరలకు సంబంధించి గురువారం (ఏప్రిల్ 07, 2022) కొత్త ధరలను విడుదల చేశాయి. దేశీయంగా గురువారం ధ‌ర‌లు స్థిరంగా ఉన్నాయి. సాధారణంగా దేశీయ చమురు మార్కెటింగ్ సంస్థలు ప్రతిరోజు ఉదయం ఆరు గంటలకు ధరలను సవరిస్తాయి. అంతర్జాతీయంగా ముడి చమురు ధరలు ఇటీవల పైకి, కిందకు కదులుతున్నాయి. ఈ ప్రభావం దేశీయంగా పెట్రోల్, డీజిల్ పైన ఉంటుంది.

పెట్రోల్‌, డీజిల్ ధరలివే..!

- దేశ రాజధాని న్యూఢిల్లీలో లీటర్‌ పెట్రోల్‌ ధర రూ. 105.41 కాగా, డీజిల్‌ రూ. 96.67 వద్ద కొనసాగుతోంది.

- దేశ ఆర్థిక రాజధాని ముంబైలో లీటర్‌ పెట్రోల్‌ ధర రూ. 120.51 కాగా, డీజిల్‌ రూ. 104.77గా ఉంది.

- చెన్నైలో లీటర్‌ పెట్రోల్‌ ధర రూ. 110.83 కాగా, డీజిల్ రూ. 100.92గా నమోదైంది. 

- బెంగళూరులో లీటర్‌ పెట్రోల్‌ రూ. 111.07 కాగా, డీజిల్‌ రూ. 94.78 వద్ద కొనసాగుతోంది.

- కోల్‌కతాలో పెట్రోల్ ధర లీటర్ కు రూ. 115.08 కాగా, డీజిల్ ధర లీటర్ కు రూ. 99.82గా ఉంది. 

తెలుగు రాష్ట్రాల్లో ధరలు..!

- హైదరాబాద్‌లో లీటర్‌ పెట్రోల్‌ ధర రూ. 119.47 వద్ద కొనసాగుతుండగా, డీజిల్‌ రూ. 105.47గా ఉంది.

- విజ‌య‌వాడ‌లో లీటర్‌ పెట్రోల్‌ రూ. 121.46కాగా, డీజిల్‌ రూ. 107.09గా ఉంది.

అంతర్జాతీయ మార్కెట్లలో క్రూడాయిల్ ధరలు భారీగా పెరిగినందున ధరలు మరింత ఎగుస్తాయని అంచనాలున్నాయి. దీంతో దేశీయంగా ద్రవ్యోల్బణం పెరిగి, గ్రోత్‌పై ప్రభావం చూపనుందనే ఆందోళనలు వ్యక్తమవుతున్నాయి. భారతదేశం ఎక్కువగా పెట్రోల్, డీజిల్ అవసరాలపై ఇతర దేశాలపైనే ఆధారపడుతోంది. పెట్రోల్-డీజిల్ ధరలు ప్రతిరోజూ మారుతాయి. ఉదయం 6 గంటలకు సవరిస్తారు. మీరు రోజువారీ పెట్రోల్, డీజిల్ ధరను SMS ద్వారా కూడా తెలుసుకోవచ్చు (How to check diesel petrol price daily). ఇండియన్ ఆయిల్ కస్టమర్లు సిటీ కోడ్‌తో పాటు RSPని 9224992249కి పంపడం ద్వారా, BPCL కస్టమర్‌లు RSPని 9223112222 నంబర్‌కు మెసేజ్ చేయడం ద్వారా సమాచారాన్ని పొందవచ్చు. అదే సమయంలో, HPCL వినియోగదారులు HP Price అని టైప్ చేసి 9222201122 నంబర్‌కు మెసేజ్ పంపడం ద్వారా ధరను తెలుసుకోవచ్చు.