దేశంలోని ప్రధాన చమురు కంపెనీలు శుక్రవారం (ఏప్రిల్ 1, 2022) కోసం పెట్రోల్, డీజిల్ కొత్త ధరలను విడుదల చేశాయి. శుక్ర‌వారం చమురు ధరల్లో ఎలాంటి పెరుగుదల లేదు. ఢిల్లీ, ముంబై సహా దేశంలోని ప్రధాన నగరాల్లో చమురు ధరలు శుక్ర‌వారం స్థిరంగా ఉన్నాయి. 

పెట్రోల్, డీజిల్ ధరలు శుక్ర‌వారం (ఏప్రిల్ 01, 2022) స్థిరంగా ఉన్నాయి.వ‌రుస‌గా 11 రోజుల్లో పెట్రోల్ ధ‌ర‌లను 9 సార్లు పెరిగాయి. చ‌మురు సంస్థలు ఇప్ప‌టివ‌ర‌కు లీట‌ర్ పెట్రోల్‌పై రూ.6.40, డీజిల్‌పై రూ.6.40 చొప్పున పెంచాయి. హైద‌రాబాద్‌లో శుక్ర‌వారం పెట్రోల్ లీట‌ర్‌ రూ. 115.42 కాగా.. డీజిల్ లీట‌ర్‌ రూ. 101.56కు చేరింది. అంతర్జాతీయంగా క్రూడ్ ధరలు ఇటీవల భారీగా పెరిగి, ఆ తర్వాత కాస్త శాంతించాయి. రష్యా - ఉక్రెయిన్ యుద్ధం ముగింపు దశకు చేరుకున్నట్లుగా కనిపించడంతో ధరలు కాస్త క్షీణించాయి.

ఇండియన్ ఆయిల్ కార్పోరేషన్ లిమిటెడ్ (IOCL) చమురు ధరలకు సంబంధించి శుక్ర‌వారం (ఏప్రిల్ 01, 2022) కొత్త ధరలను విడుదల చేశాయి. దేశీయంగా శుక్ర‌వారం ధ‌ర‌ల్లో ఎలాంటి మార్పు చోటుచేసుకోలేదు. సాధారణంగా దేశీయ చమురు మార్కెటింగ్ సంస్థలు ప్రతిరోజు ఉదయం ఆరు గంటలకు ధరలను సవరిస్తాయి. అంతర్జాతీయంగా ముడి చమురు ధరలు ఇటీవల పైకి, కిందకు కదులుతున్నాయి. ఈ ప్రభావం దేశీయంగా పెట్రోల్, డీజిల్ పైన ఉంటుంది.

పెట్రోల్‌, డీజిల్ ధరలివే..!

- దేశ రాజధాని న్యూఢిల్లీలో లీటర్‌ పెట్రోల్‌ ధర రూ. 101.81 కాగా, డీజిల్‌ రూ. 93.07 వద్ద కొనసాగుతోంది.

- దేశ ఆర్థిక రాజధాని ముంబైలో లీటర్‌ పెట్రోల్‌ ధర రూ. 116.72 కాగా, డీజిల్‌ రూ. 100.94గా ఉంది.

- చెన్నైలో లీటర్‌ పెట్రోల్‌ ధర రూ. 107.45 కాగా, డీజిల్ రూ. 97.52గా నమోదైంది.

- బెంగళూరులో లీటర్‌ పెట్రోల్‌ రూ. 107.30 కాగా, డీజిల్‌ రూ. 91.27 వద్ద కొనసాగుతోంది.

- కోల్‌కతాలో పెట్రోల్ ధర లీటర్ కు రూ. 111.35 కాగా, డీజిల్ ధర లీటర్ కు రూ. 96.22గా ఉంది.

- ల‌క్నోలో పెట్రోల్ ధర లీటర్ కు రూ. 101.66 కాగా, డీజిల్ ధర లీటర్ కు రూ. 93.22గా ఉంది.

తెలుగు రాష్ట్రాల్లో ధరలు..!

- హైదరాబాద్‌లో లీటర్‌ పెట్రోల్‌ ధర రూ. 115.42 వద్ద కొనసాగుతుండగా, డీజిల్‌ రూ. 101.56గా ఉంది.

- విజ‌య‌వాడ‌లో లీటర్‌ పెట్రోల్‌ రూ. 116.39కాగా, డీజిల్‌ రూ. 102.20కి చేరింది.

పెట్రోల్-డీజిల్ ధరలు ప్రతిరోజూ మారుతాయి. ఉదయం 6 గంటలకు సవరిస్తారు. మీరు రోజువారీ పెట్రోల్, డీజిల్ ధరను SMS ద్వారా కూడా తెలుసుకోవచ్చు (How to check diesel petrol price daily). ఇండియన్ ఆయిల్ కస్టమర్లు సిటీ కోడ్‌తో పాటు RSPని 9224992249కి పంపడం ద్వారా, BPCL కస్టమర్‌లు RSPని 9223112222 నంబర్‌కు మెసేజ్ చేయడం ద్వారా సమాచారాన్ని పొందవచ్చు. అదే సమయంలో, HPCL వినియోగదారులు HP Price అని టైప్ చేసి 9222201122 నంబర్‌కు మెసేజ్ పంపడం ద్వారా ధరను తెలుసుకోవచ్చు.