ప్రపంచ మార్కెట్లలో ముడి చమురు ధరలు ఇంకా గరిష్ట స్థాయిల్లోనే కదలాడుతున్నాయి. దీంతో పెట్రోల్, డీజిల్ ధరల బాదుడు కూడా ఇంకా కొనసాగుతోంది. ప్రభుత్వ రంగ ఆయిల్ మార్కెటింగ్ కంపెనీలు వరుసగా రేట్లను పెంచుకుంటూనే వెళ్తున్నాయి. 9 రోజుల్లోనే ధరలు లీటరుకు రూ.5.6 మేర పెరిగాయి.  

పెట్రోల్, డీజిల్ ధరలు బుధ‌వారం (మార్చి 30, 2022) మ‌రోసారి పెరిగాయి. బుధ‌వారం ఆయిల్ కంపెనీలు మ‌రోసారి వాహ‌న‌దారుల‌కు షాకిచ్చాయి. వ‌రుస‌గా తొమ్మిది రోజుల్లో పెట్రోల్ ధ‌ర‌లు పెర‌గడం ఇది ఏనిమిదోసారి. చ‌మురు సంస్థలు లీట‌ర్ పెట్రోల్‌పై 80 పైస‌లు, డీజిల్‌పై 8- పైస‌లు చొప్పున పెంచాయి. హైద‌రాబాద్‌లో లీట‌ర్ పెట్రోల్‌పై 91 పైస‌లు పెర‌గడంతో పెట్రోల్ లీట‌ర్‌ రూ. 114.50 కాగా.. డీజిల్‌పై 87 పైస‌లు పెర‌గడంతో డీజిల్ లీట‌ర్‌ రూ. 100.69గా ఉంది. అంతర్జాతీయంగా క్రూడ్ ధరలు ఇటీవల భారీగా పెరిగి, ఆ తర్వాత కాస్త శాంతించాయి. రష్యా - ఉక్రెయిన్ యుద్ధం ముగింపు దశకు చేరుకున్నట్లుగా కనిపించడంతో ధరలు కాస్త క్షీణించాయి.

ఇండియన్ ఆయిల్ కార్పోరేషన్ లిమిటెడ్ (IOCL) చమురు ధరలకు సంబంధించి బుధ‌వారం (మార్చి 30, 2022) కొత్త ధరలను విడుదల చేశాయి. దేశీయంగా బుధ‌వారం పెట్రోల్‌పై 80 పైస‌లు, డీజిల్‌పై 80 పైస‌లు పెరిగాయి. సాధారణంగా దేశీయ చమురు మార్కెటింగ్ సంస్థలు ప్రతిరోజు ఉదయం ఆరు గంటలకు ధరలను సవరిస్తాయి. అంతర్జాతీయంగా ముడి చమురు ధరలు ఇటీవల పైకి, కిందకు కదులుతున్నాయి. ఈ ప్రభావం దేశీయంగా పెట్రోల్, డీజిల్ పైన ఉంటుంది.

పెట్రోల్‌, డీజిల్ ధరలివే..!

- దేశ రాజధాని న్యూఢిల్లీలో లీటర్‌ పెట్రోల్‌ ధర రూ. 101.01 కాగా, డీజిల్‌ రూ. 92.27 వద్ద కొనసాగుతోంది.

- దేశ ఆర్థిక రాజధాని ముంబైలో లీటర్‌ పెట్రోల్‌ ధర రూ. 115.88 కాగా, డీజిల్‌ రూ. 100.10గా ఉంది.

- చెన్నైలో లీటర్‌ పెట్రోల్‌ ధర రూ. 106.69 కాగా, డీజిల్ రూ. 96.76గా నమోదైంది.

- బెంగళూరులో లీటర్‌ పెట్రోల్‌ రూ. 106.44 కాగా, డీజిల్‌ రూ. 90.47 వద్ద కొనసాగుతోంది.

- కోల్‌కతాలో పెట్రోల్ ధర లీటర్ కు రూ. 110.52 కాగా, డీజిల్ ధర లీటర్ కు రూ. 95.42గా ఉంది.

తెలుగు రాష్ట్రాల్లో ధరలు..!

- హైదరాబాద్‌లో లీటర్‌ పెట్రోల్‌ ధర రూ. 114.51 వద్ద కొనసాగుతుండగా, డీజిల్‌ రూ. 100.69గా ఉంది.

- విజ‌య‌వాడ‌లో లీటర్‌ పెట్రోల్‌ రూ. 116.45కాగా, డీజిల్‌ రూ. 102.27కి చేరింది.

పెట్రోల్-డీజిల్ ధరలు ప్రతిరోజూ మారుతాయి. ఉదయం 6 గంటలకు సవరిస్తారు. మీరు రోజువారీ పెట్రోల్, డీజిల్ ధరను SMS ద్వారా కూడా తెలుసుకోవచ్చు (How to check diesel petrol price daily). ఇండియన్ ఆయిల్ కస్టమర్లు సిటీ కోడ్‌తో పాటు RSPని 9224992249కి పంపడం ద్వారా, BPCL కస్టమర్‌లు RSPని 9223112222 నంబర్‌కు మెసేజ్ చేయడం ద్వారా సమాచారాన్ని పొందవచ్చు. అదే సమయంలో, HPCL వినియోగదారులు HP Price అని టైప్ చేసి 9222201122 నంబర్‌కు మెసేజ్ పంపడం ద్వారా ధరను తెలుసుకోవచ్చు.