చరిత్రలోనే కనీవినీ ఎరుగని స్థాయిలో రూపాయి కనిష్ట స్థాయికి చేరుకుంది. గత కొంతకాలంగా రూపాయి ధర నిరంతరం పడిపోతోంది. ప్రస్తుతం డాలర్తో పోలిస్తే రూపాయి విలువ దాదాపు 80 రూపాయలకు చేరుకుంది.
ప్రపంచ పరిస్థితులు, అమెరికాలో ద్రవ్యోల్బణం, మాంద్యం భయం వంటి కారణాలతో రూపాయి విలువ ఇప్పుడే మెరుగుపడే అవకాశం లేదని నిపుణులు చెబుతున్నారు. బదులుగా, రూపాయి ఇక్కడ నుండి కూడా దిగజారవచ్చని నిపుణులు అంచనా వేస్తున్నారు..
శనివారం, రూపాయి 6 పైసలు బలహీనపడి 79.94 వద్ద ప్రారంభమైంది. ఇది రోజు ట్రేడింగ్లో 79.95 వద్ద రికార్డు స్థాయిని నమోదు చేసింది. గత సెషన్లో రూపాయి కొంత కోలుకుని 79.88 వద్ద ముగిసింది. ఇది రికార్డు కనిష్ట స్థాయి. రూపాయి బలహీనత ఆర్థిక వ్యవస్థపై ప్రభావం చూపుతుందని నిపుణులు చెబుతున్నారు. సామాన్యుల జేబులపైనా ఇది ప్రభావం చూపుతోంది. పడిపోతున్న రూపాయి మనపై ఎలాంటి ప్రభావం చూపుతుందో నిపుణుల ఆధారంగా అర్థం చేసుకుందాం.
దిగుమతులు, ఎగుమతులపై ప్రత్యక్ష ప్రభావం
మార్కెట్ నిపుణుల అభిప్రాయం ప్రకారం, రూపాయి పతనం యొక్క అతిపెద్ద ప్రభావం దిగుమతులపై పడుతుంది. దిగుమతి చేసుకున్న ముడి చమురు, బంగారం, ఎలక్ట్రానిక్ వస్తువుల కోసం ఎక్కువ రూపాయలు చెల్లించాల్సి ఉంటుంది. ఇక విదేశాలలో చదువుకోవడం, విదేశాలకు వెళ్లడం రెండూ ఖరీదుగా మారుతాయి. దిగుమతి చేసుకున్న ప్రతి ఉత్పత్తి పైనా ఈ ప్రభావం పడుతుంది. ఏ వస్తువుకైనా ఎక్కువ డబ్బు చెల్లించాల్సి రావడంతో దిగుమతిదారులు ఎక్కువగా నష్టపోతున్నారు. మరోవైపు, ఎగుమతిదారులు అంటే విదేశాలకు వస్తువులను విక్రయించే వారు చాలా ప్రయోజనం పొందుతారు. వారు డాలర్లకు ఎక్కువ రూపాయలు పొందుతారు. ఉదాహరణకు సాఫ్ట్ వేర్ కంపెనీలు, ఫార్మా కంపెనీలు ఎక్కువగా లాభపడతాయి.
ఏవి ఖరీదైనవిగా మారాయి...
పెట్రోలియం ఉత్పత్తులను ఎక్కువగా కొనుగోలు చేసే దేశం భారత్. అందువల్ల, రూపాయి పతనం ప్రభావంతో పెట్రోల్, డీజిల్ మరింత పెరిగే అవకాశం పుష్కలంగా ఉంది. చమురుతో పాటు ఎలక్ట్రానిక్ గాడ్జెట్స్ అయినటువంటి ల్యాప్టాప్లు, మొబైల్ ఫోన్లు, కార్లు, ఆటో విడిభాగాలు, విదేశాల నుంచి దిగుమతి చేసుకునే ఇతర పరికరాలు ఖరీదైనవిగా మారుతాయి. దీని ప్రత్యక్ష ప్రభావం సామాన్యుల జేబుపై ఉంటుంది.
భారతదేశం నుండి పెద్ద సంఖ్యలో విద్యార్థులు విదేశాలలో చదువుతున్నారు. వాటి ప్రభావం కూడా ప్రత్యక్షంగా ఉంటుంది. వారికి ఫీజులతో పాటు జీవన వ్యయం, ఆహారం కూడా ఎక్కువగానే ఉంటుంది. మరోవైపు, ఆర్బిఐ రేటు పెంపు కారణంగా, విద్యా రుణాల ఇఎంఐ కూడా పెరుగుతుంది. అలాగే, విదేశీ ప్రయాణాలకు సైతం ఎక్కువ డబ్బు చెల్లించవలసి ఉంటుంది.
