విజయ్ మాల్యా బాటలో సిలికాన్ వ్యాలీ బ్యాంకు సీఈవో, బ్యాంకును నిలువునా ముంచేసి హవాయీ దీవుల్లో తేలిన గ్రెగ్ బెకర్
ఇండియాలో బ్యాంకులకు ఎగనామం పెట్టి విదేశాలకు పారిపోయిన విజయ్ మాల్యా బాటలోనే, అమెరికాలో సిలికాన్ వ్యాలీ బ్యాంక్ మాజీ సీఈవో గ్రెగ్ బెకర్ తన భార్యతో కలిసి హవాయికి వెళ్లిపోయినట్లు సమాచారం. సదరు సీఈవో బ్యాంకు మొత్తాన్ని దివాలా తీయించి చల్లగా జారుకున్నాడని నెటిజన్లు మండిపడుతున్నారు.
మూడు దశాబ్దాలుగా టెక్నాలజీ రంగానికి వెన్నెముకగా నిలిచిన అమెరికా సిలికాన్ వ్యాలీ బ్యాంక్ 2023 మార్చి 10న కుప్పకూలింది. ఈ బ్యాంకులో డిపాజిట్ చేసిన సొమ్మును వెనక్కి తీసుకునేందుకు డిపాజిటర్లు, ఇన్వెస్టర్లు ప్రయత్నిస్తున్నారు. స్టార్టప్‌లకు రుణాలు అందిస్తున్న సిలికాన్ వ్యాలీ బ్యాంక్ దివాళా తీసిన తర్వాత ఈ బ్యాంక్ మాజీ CEO హవాయిలో దర్శనమిచ్చారు. న్యూయార్క్ పోస్ట్ ఈ విషయాన్ని వెల్లడించింది.
న్యూస్ రిపోర్టుల ప్రకారం, సిలికాన్ వ్యాలీ బ్యాంక్ మాజీ CEO గ్రెగ్ బెకర్ అతని భార్య మార్లిన్ బిటుస్టా హవాయిలోని మౌయిలో రూ. 29 కోట్ల టౌన్‌హౌస్‌కు మారారు. ఇండియాలో విజయ్ మాల్యా బ్యాంకులకు ఎగనామం పెట్టి పారిపోయినట్లే, అమెరికాలో బ్యాంకు మాజీ అధికారి మొత్తం బ్యాంకునే దివాళా తీయించి పారిపోయాడు. గ్రెగ్ బెకర్ జంట సోమవారం శాన్ ఫ్రాన్సిస్కో విమానాశ్రయం నుంచి హవాయికి ఫస్ట్ క్లాస్ టిక్కెట్లు కొనుగోలు చేసి ఫ్లైట్ ఎక్కి తప్పించుకున్నట్లు చెబుతున్నారు. ఈ మాజీ CEO హవాయి దీవుల్లో షికారు చేస్తున్నట్టు ఫోటోలు బయటపెట్టాయి.
SVBని మూసివేయడానికి రెండు వారాల ముందు ఫెడరల్ రెగ్యులేటర్లు 3,578,652 డాలర్ల విలువైన స్టాక్ లను విక్రయించిన తర్వాత బెకర్ విచారణను ఎదుర్కొంటున్నారు. బెకర్ మూడు దశాబ్దాల క్రితం 1993లో సిలికాన్ వ్యాలీ బ్యాంకులో రుణ అధికారిగా చేరారు. SVB వెబ్‌సైట్ ప్రకారం, బెకర్ ఇన్నోవేషన్ సెక్టార్‌కు సేవలందిస్తున్న నాలుగు ప్రాథమిక వ్యాపారాలను చేర్చడానికి కంపెనీ విస్తరణకు నాయకత్వం వహించాడు. అతను గ్లోబల్ కమర్షియల్ బ్యాంకింగ్, వెంచర్ క్యాపిటల్ క్రెడిట్ ఇన్వెస్టింగ్, ప్రైవేట్ బ్యాంకింగ్ వెల్త్ మేనేజ్‌మెంట్ ఇన్వెస్ట్‌మెంట్ బ్యాంకింగ్‌లను ప్రవేశపెట్టాడు. 1983లో స్థాపించబడిన సిలికాన్ వ్యాలీ బ్యాంక్ అమెరికాలో 16వ అతిపెద్ద బ్యాంకు. పతనానికి ముందు, ఇది USలోని దాదాపు సగం వెంచర్ క్యాపిటలిస్ట్ టెక్నాలజీ కంపెనీలకు ఆర్థిక సహాయం చేసింది.
మార్చి 10న, US ఫెడరల్ రెగ్యులేటర్లు సిలికాన్ వ్యాలీ బ్యాంక్ (SVB)ని మూసివేయాలని దాని డిపాజిట్లపై నియంత్రణ తీసుకోవాలని నిర్ణయించారు, ఇది ప్రపంచ ఆర్థిక సంక్షోభం తర్వాత అతిపెద్ద రిటైల్ బ్యాంకింగ్ వైఫల్యంగా మారింది. బ్యాంక్ వైఫల్యాల తర్వాత దాదాపు 175 బిలియన్ డాలర్లు వినియోగదారుల డిపాజిట్లు ఇప్పుడు ఫెడరల్ డిపాజిట్ ఇన్సూరెన్స్ కార్పొరేషన్ (FDIC) నియంత్రణలో ఉన్నాయి. FDIC నేషనల్ బ్యాంక్ ఆఫ్ శాంటా క్లారా బ్యాంకుకు సిలికాన్ వ్యాలీ బ్యాంక్ అన్ని ఆస్తులను నియంత్రణకు ఇచ్చారు. 48 గంటల నాటకీయ పరిణామాల తర్వాత ఈ చర్య వచ్చింది. డిపాజిట్ విత్ డ్రా చేసే హడావుడితో బ్యాంకు స్టాక్ వాల్యూ కూడా పడిపోయింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
