Criminal Laws: ఎలాంటి నేరాలు చేస్తే పోలీసులు వెంటనే అరెస్ట్ చేస్తారు.. చట్టం ఏం చెబుతోంది..

Criminal Laws: మన దేశంలో జూలై 1, 2024 నుంచి 'భారతీయ న్యాయ సంహిత'(BNS), 'భారతీయ నాగరిక సురక్ష సంహిత'(BNSS) అనే కొత్త చట్టాలు అమల్లోకి వచ్చాయి. ఈ చట్టాల ప్రకారం నేరాలను ప్రధానంగా రెండు రకాలుగా వర్గీకరించారు.

Image Credit : Pinterest

కొత్త చట్టాల ప్రకారం

భారతదేశంలో జూలై 1, 2024 నుండి అమల్లోకి వచ్చిన కొత్త చట్టాల ప్రకారం నేరాల వర్గీకరణ ఎలా ఉంది? పోలీసులు ఏ సందర్భాలలో కోర్టు అనుమతి లేకుండా అరెస్టు చేయవచ్చు? ఆ వివరాలు తెలుసుకుందామా..

Image Credit : FREEPIK

కొత్త చట్టాల ప్రకారం నేరాలు

మన దేశంలో జూలై 1, 2024 నుంచి 'భారతీయ న్యాయ సంహిత'(BNS), 'భారతీయ నాగరిక సురక్ష సంహిత'(BNSS) అనే కొత్త చట్టాలు అమల్లోకి వచ్చాయి. ఈ చట్టాల ప్రకారం నేరాలను ప్రధానంగా రెండు రకాలుగా వర్గీకరించారు. అవేంటో, పోలీసుల అధికారాలు ఎలా ఉంటాయో అడ్వకేట్ వివరించారు.

Image Credit : our own

కాగ్నిజబుల్ నేరాలు (Cognizable Offenses):

తీవ్రమైన నేరాలను కాగ్నిజబుల్ అఫెన్సెస్ అని పిలుస్తారు. ఎవరైనా వ్యక్తి తీవ్రమైన నేరం చేశాడని ఫిర్యాదు అందితే, పోలీసులు ఎఫ్ఐఆర్ (FIR) నమోదు చేసి కోర్టు అనుమతి లేకుండానే నిందితుడిని వెంటనే అరెస్టు చేసి రిమాండ్‌కు పంపవచ్చు.

ఉదాహరణలు: మర్డర్ కేసులు, అటెంప్ట్ మర్డర్ మరియు రేప్ కేసులు ఈ వర్గంలోకి వస్తాయి.

Image Credit : X

నాన్-కాగ్నిజబుల్ నేరాలు (Non-Cognizable Offenses):

తక్కువ తీవ్రత ఉన్న నేరాలను నాన్-కాగ్నిజబుల్ అఫెన్సెస్ అంటారు. ఇలాంటి నేరాలలో కోర్టు ముందస్తు అనుమతి లేదా వారెంట్ లేకుండా నిందితులను అరెస్టు చేయడానికి పోలీసులకు అవకాశం ఉండదు.

Image Credit : Pinterest

కొత్త చట్టాలపై అవగాహన..

కొత్త చట్టాలపై అవగాహన కలిగి ఉండటం ప్రతి పౌరుడి బాధ్యత. ముఖ్యంగా అరెస్టు ప్రక్రియ, పోలీసుల పరిమితుల గురించి తెలుసుకోవడం వల్ల చట్టపరమైన చిక్కుల నుంచి మనల్ని మనం రక్షించుకోవచ్చు.