నేడు స్థిరంగా బంగారం, వెండి ధరలు.. 10గ్రా., 24 క్యారెట్ల పసిడి ధర ఎంతంటే ?

ప్రపంచవ్యాప్తంగా పెరుగుతున్న కోవిడ్-19 (covid-19)ఇన్‌ఫెక్షన్‌లకు వ్యతిరేకంగా యూ‌ఎస్ ఫెడరల్(us federal) రిజర్వ్ ముందస్తు వడ్డీ రేటును పెంచే అవకాశాలను వ్యాపారులు అంచనా వేయడంతో జనవరి 5 న భారతీయ, అంతర్జాతీయ మార్కెట్‌లలో బంగారం ధర (gold price)ఫ్లాట్‌గా ట్రేడవుతోంది. 

అంతర్జాతీయ సంకేతాలను అనుసరించి నేడు బుధవారం భారతదేశంలో బంగారం ధరలు స్థిరంగా ఉన్నాయి. ప్రపంచవ్యాప్తంగా పెరుగుతున్న కోవిడ్-19 కేసుల మధ్య యూ‌ఎస్ ఫెడరల్ ప్రభుత్వం ముందస్తు వడ్డీ రేటు పెంపు అవకాశాలను పెట్టుబడిదారులు అంచనా వేశారు. మల్టీ-కమోడిటీ ఎక్స్ఛేంజ్ (MCX)లో జనవరి 5న 09:28 గంటల సమయానికి 10 గ్రాముల గోల్డ్ కాంట్రాక్టులు రూ. 47,951 వద్ద కొద్దిగా మారాయి. వెండి ధర కూడా బుధవారం పడిపోయింది. విలువైన మెటల్ ఫ్యూచర్ జనవరి 5న కిలోగ్రాముకు 0.16 శాతం తగ్గి రూ.62,128కి చేరుకుంది. 

అంతర్జాతీయ మార్కెట్‌లో బంగారం ధర ఒత్తిడికి లోనైంది. 01:33 GMT నాటికి స్పాట్ బంగారం ఔన్సుకు 1,813.91 డాలర్ల వద్ద స్థిరంగా ఉంది. యూ‌ఎస్ గోల్డ్ ఫ్యూచర్స్ 1,813.80 డాలర్ల వద్ద ఉన్నాయి. బెంచ్‌మార్క్ 10-సంవత్సరాల ట్రెజరీ ఈల్డ్‌లు మంగళవారం నాడు ఒక నెలలో అత్యధికంగా పెరిగాయి. యూ‌ఎస్ ట్రెజరీ ఈల్డ్‌లలో లాభాలను ట్రాక్ చేస్తూ సోమవారం యూ‌ఎస్ డాలర్ ఇండెక్స్ రెండు వారాల గరిష్ట స్థాయికి చేరుకుంది.

“ఆసియా ట్రేడ్ లో ఈ బుధవారం ఉదయం అంతర్జాతీయ బంగారం ధరలు ఫ్లాట్‌గా ప్రారంభమయ్యాయి. సాంకేతికంగా LBMA స్పాట్ గోల్డ్ రెసిస్టెన్స్ జోన్ 1818-1830 డాలర్ల స్థాయిలలో ఉంది. సపోర్ట్ జోన్ $1805-$1795 స్థాయిలలో ఉంది. సాంకేతికంగా, MCX గోల్డ్ ఫిబ్రవరి రూ. 47,700 స్థాయి కంటే ఎక్కువగా ఉంటే రూ. 47,990-48,150 స్థాయిల వద్ద రెసిస్టెన్స్ జోన్ వరకు పైకి చూడవచ్చు. సపోర్ట్ జోన్ రూ. 47,690-47550 స్థాయిలో ఉంది" అని రిలయన్స్ సెక్యూరిటీస్ సీనియర్ రీసెర్చ్ అనలిస్ట్ శ్రీరామ్ అయ్యర్ తెలిపారు.

 రాష్ట్ర పన్నులు, ఎక్సైజ్ సుంకం, మేకింగ్ ఛార్జీలు వంటి ముఖ్యమైన అంశాల కారణంగా ప్రతిరోజూ బంగారం ధర మారుతుంది. జనవరి 5న కొన్ని మెట్రో నగరాల్లో నమోదైన బంగారం ధరల జాబితా ఇక్కడ ఉంది:

దేశ రాజధాని (న్యూఢిల్లీ)లో 10 గ్రాముల 22 క్యారెట్ల బంగారం ధర రూ.47,040,
ఆర్థిక రాజధాని (ముంబయి)లో 10 గ్రాముల 22 క్యారెట్ల బంగారం ధర రూ.47,250గా ట్రేడవుతోంది. 
మరోవైపు, కోల్‌కతా 10 గ్రాముల 22 క్యారెట్ల బంగారం ధర రూ.47,090.
చెన్నైలో 10 గ్రాముల 22 క్యారెట్ల బంగారం ధర రూ.45,160.

ఒక వెబ్‌సైట్ ప్రకారం, ముంబైలో 10 గ్రాముల 24 క్యారెట్ల బంగారం కొనుగోలు ధర రూ. 49,250 కాగా, న్యూఢిల్లీలో రూ. 51,320. కోల్‌కతాలో రూ. 49,790, చెన్నైలో రూ. 49,220 వద్ద ట్రేడవుతోంది.సిల్వర్ ఫ్యూచర్స్ వాల్యు 0.82 శాతం పెరిగి రూ.62,247.00కి చేరుకోగా, గోల్డ్ ఫ్యూచర్స్ 0.49 శాతం పెరిగి రూ.47,950.00కి చేరాయని మల్టీ కమోడిటీ ఎక్స్ఛేంజ్ (ఎంసీఎక్స్) డేటా వెల్లడించింది.

హైదరాబాద్ ఇంకా బెంగళూరు వంటి ఇతర నగరాలను పరిశీలిస్తే ఈ రెండు నగరాల్లో 24 క్యారెట్ల బంగారం ధర 10 గ్రాములకు రూ. 48,980, 22-క్యారెట్ల బంగారం రూ. 44,890 వద్ద కొనుగోలు చేయబడుతోంది. అంతర్జాతీయంగా విలువైన లోహం ధరలు తగ్గుముఖం పట్టడంతో మంగళవారం దేశ రాజధాని ఢిల్లీలో 10 గ్రాముల బంగారం ధర రూ.46,814కి చేరుకుంది. గత ట్రేడింగ్‌లో 10 గ్రాముల బంగారం ధర రూ.47,116 వద్ద ముగిసింది.

హెచ్‌డిఎఫ్‌సి సెక్యూరిటీస్ సీనియర్ అనలిస్ట్ (కమోడిటీస్), తపన్ పటేల్ మాట్లాడుతూ ఢిల్లీలో 24 క్యారెట్ల బంగారం ధరలు రూ. 302 తగ్గాయని, కామెక్స్‌లో బంగారం ధరలు రాత్రిపూట తగ్గుముఖం పట్టాయని తెలిపారు. అంతర్జాతీయ మార్కెట్‌లో ఔన్సు బంగారం ధర 1,804 డాలర్లు, ఔన్స్ వెండి ధర 22.83 డాలర్ల వద్ద స్థిరంగా ఉంది.