సోమవారం స్టాక్ మార్కెట్ సూచీలు పాజిటివ్ నోట్ తో ముగిశాయి. చివరి గంటలో అమ్మకాలు ఉన్నప్పటికీ, మార్కెట్ ముగిసే సమయానికి సెన్సెక్స్  127 పాయింట్లు లాభపడి 57654 వద్ద ముగిసింది. నిఫ్టీ 18 పాయింట్లు పెరిగి 16964 వద్ద ముగిసింది.

మిశ్రమమైన గ్లోబల్ సంకేతాల మధ్య దేశీయ స్టాక్ మార్కెట్‌లో చివరి గంటలో స్వల్పంగా కొనుగోళ్లు కనిపించాయి. దీంతో మార్కెట్ ముగిసే సమయానికి సెన్సెక్స్, నిఫ్టీ రెండు సూచీలు బలంగా ముగిశాయి. సెన్సెక్స్ దాదాపు 125 పాయింట్లు లాభపడగా, నిఫ్టీ 16,950 దాటింది. బ్యాంకింగ్ వ్యవస్థలో లిక్విడిటీ గురించి ఆందోళన చెందాల్సిన అవసరం లేదని US ఫెడ్ అధికారులు పెట్టుబడిదారులకు చెప్పారు. దీంతో సెంటిమెంట్‌లో కొంత మెరుగుదల కనిపించింది. శుక్రవారం అమెరికా మార్కెట్లు లాభాల్లో ముగిశాయి. ఈ రోజు ఆసియా మార్కెట్లలో మిశ్రమ ధోరణి కనిపించినప్పటికీ. ప్రస్తుతం సెన్సెక్స్ 127 పాయింట్లు లాభపడి 57654 వద్ద ముగిసింది. నిఫ్టీ 18 పాయింట్లు పెరిగి 16964 వద్ద ముగిసింది.

నేటి వ్యాపారంలో మిశ్రమ ధోరణి కనిపించింది. ఫార్మా, ఎఫ్‌ఎంసిజి షేర్లలో కొనుగోళ్లు జరుగుతుండగా, ఆటో, రియల్టీ షేర్లలో అమ్మకాలు జరిగాయి. బ్యాంకు, ఆర్థిక, ఐటీ సూచీలు కూడా నష్టాల్లో ముగిశాయి. నేటి ట్రేడింగ్‌లో హెవీవెయిట్ స్టాక్స్‌లో మిశ్రమ ధోరణి ఉంది. సెన్సెక్స్ 30కి చెందిన 16 స్టాక్స్ గ్రీన్ మార్క్‌లో, 14 రెడ్ మార్క్‌లో ముగిశాయి. నేటి టాప్ గెయినర్స్‌లో రిలయన్స్, సన్‌ఫార్మా, ఎస్‌బిఐ, కోటక్‌బ్యాంక్, ఇన్ఫోసిస్, మారుతీ ఉన్నాయి. టాప్ లూజర్లలో M&M, AXISBANK, TATAMOTORS, BAJFINANCE, NTPC, ICICIBANK, LT ఉన్నాయి.

మార్కెట్లకు రిలయన్స్ వార్తల జోష్..

శీతల పానీయాల బ్రాండ్ కాంపా కోలాను మార్కెట్లోకి మళ్లీ ప్రవేశపెట్టిన రిలయన్స్, FMCG విభాగంలో ప్రవేశించబోతోంది.ఇప్పటికే మార్కెట్లో ఉన్న అనేక ఎఫ్‌ఎంసిజి కంపెనీలకు సవాలుగా నిలవనుంది అదే సమయంలో, రిలయన్స్ ఇండస్ట్రీస్ తన కొత్త చీఫ్ ఫైనాన్షియల్ ఆఫీసర్ (CFO) గా శ్రీకాంత్ వెంకటాచారిని నియమిస్తున్నట్లు ప్రకటించింది. జూన్ 1 నుంచి వెంకటాచారి బాధ్యతలు చేపట్టనున్నట్లు స్టాక్ మార్కెట్ కు ఇచ్చిన సమాచారంలో కంపెనీ పేర్కొంది. ప్రస్తుతం ఆయన జాయింట్ సీఎఫ్‌వోగా పనిచేస్తున్నారు. 2005 నుంచి రిలయన్స్ ఇండస్ట్రీస్ సీఎఫ్ఓగా పనిచేస్తున్న అలోక్ అగర్వాల్ స్థానంలో వెంకటాచారి బాధ్యతలు చేపట్టనున్నారు.

ఏప్రిల్ 3 నుంచి ఆర్బీఐ MPC సమావేశం..

 US ఫెడరల్ రిజర్వ్‌తో సహా పలు దేశాల కేంద్ర బ్యాంకుల దూకుడు వైఖరి నేపథ్యంలో రిజర్వ్ బ్యాంక్ ఆఫ్ ఇండియా (RBI) తదుపరి ద్రవ్య సమీక్షలో రెపో రేటును మరో 0.25 శాతం పెంచే నిర్ణయం తీసుకోవచ్చనే ఊహాగానాలు సాగుతున్నాయి. మానిటరీ పాలసీని సెట్ చేయడానికి అపెక్స్ బాడీ అయిన మానిటరీ పాలసీ కమిటీ (MPC) ద్వైమాసిక సమీక్ష సమావేశం 3 ఏప్రిల్ 2023 నుండి ప్రారంభం కానుంది. 3 రోజుల పాటు జరిగే ఈ సమావేశం ఏప్రిల్ 6న పాలసీ రేటు నిర్ణయంతో ముగుస్తుంది.