Asianet News TeluguAsianet News Telugu

మీ ప్రభుత్వాలను అడగండి: పెట్రోల్, డీజిల్ రేట్లపై నిర్మలా సీతారామన్

పెట్రోలు, డీజిల్‌పై వ్యాట్ తగ్గించాలని కేంద్ర ప్రభుత్వం ఇప్పటికే రాష్ట్రాలకు విజ్ఞప్తి చేసిందని సీతారామన్ చెప్పారు.

Ask Your Government Why...': Finance Minister On State Taxes On Fuel
Author
Hyderabad, First Published Nov 16, 2021, 8:32 AM IST
  • Facebook
  • Twitter
  • Whatsapp

పెట్రోలు, డీజిల్‌పై వ్యాట్ తగ్గించాలని కేంద్ర ప్రభుత్వం ఇప్పటికే రాష్ట్రాలకు విజ్ఞప్తి చేసిందని సీతారామన్ చెప్పారు.

న్యూఢిల్లీ : ప్రజలు తాము ఓటు వేసిన రాష్ట్ర ప్రభుత్వాల్లో కొన్ని ఇంధన రేట్లు తగ్గించకపోతే వాటిని అడగాలని ఆర్థిక మంత్రి నిర్మలా సీతారామన్ సోమవారం రాత్రి విలేకరుల సమావేశంలో అన్నారు. కేంద్రం ఇటీవల వినియోగ ఇంధనంపై ఎక్సైజ్ సుంకాన్ని తగ్గించిన తర్వాత కూడా కొన్ని రాష్ట్రాలు పెట్రోల్, డీజిల్‌పై విలువ ఆధారిత పన్ను (వ్యాట్) ఎందుకు తగ్గించలేదు? కేంద్ర ప్రభుత్వం ఇప్పటికే రాష్ట్రాలకు విజ్ఞప్తి చేసింది అని.. ఇది ప్రజలు ఆయా ప్రభుత్వాలను, తాము ఓటు వేసి గెలిపించిన పార్టీలను అడగాలని ఆమె అన్నారు. 

‘పెట్రోలు, డీజిల్‌లను Goods and Services Tax (GST)లో చేర్చలేం. కారణం వాటికి జిఎస్‌టి కౌన్సిల్ ఓ ధరను నిర్ణయించాలి. అప్పటివరకు Petrol and Diesel వస్తు సేవల పన్ను (జిఎస్‌టి)లో చేర్చబడవు" అని ఆర్థిక మంత్రి తెలిపారు.

దేశంలో పెట్టుబడుల వాతావరణాన్ని పెంపొందించే ఉద్దేశ్యంతో అన్ని రాష్ట్రాల ముఖ్యమంత్రులు, ఆర్థిక మంత్రులతో ఆమె సంభాషించారు. ఆ తర్వాత nirmala sitharaman మీడియాను ఉద్దేశించి మాట్లాడుతూ, "మహమ్మారి తరువాత భౌగోళిక రాజకీయ వాస్తవికత పోస్ట్‌లో మార్పు ద్వారా లభించిన అవకాశాలను "బలమైన పునరుద్ధరణ నేపథ్యంలో" ఉపయోగించుకోవాలని ఆమె తెలిపారు. 

ఇంధన ధరలు పెరగడంపై సర్వత్రా విమర్శలు వెల్లువెత్తడంతో, దీపావళి సందర్భంగా కేంద్రం పెట్రోల్, డీజిల్‌పై లీటరుకు రూ. 5, రూ. 10 చొప్పున ఎక్సైజ్ సుంకాన్ని తగ్గించింది. ఇంధన ధరలను తగ్గించేందుకు పలు రాష్ట్రాలు వ్యాట్‌ను తగ్గించాయి. అయితే, కేంద్ర ప్రభుత్వం ఎక్సైజ్ సుంకాన్ని మరింత తగ్గించాలని కొన్ని రాష్ట్రాలు డిమాండ్ చేశాయి. 

ఉదాహరణకు, కేరళ ఆర్థిక మంత్రి, కేంద్రం చర్యను "నష్టం నియంత్రణ" అని పిలిచారు. ఇటీవల జరిగిన ఉప ఎన్నికల్లో అధికార బీజేపీ అనేక స్థానాల్లో ఓడిపోవడానికి ఇంధన ధరలు పెరగడంతోపాటు ఇతర అంశాలు కూడా కారణమని చెప్పవచ్చు.

పెట్రోల్, డీజిల్ ధరలు ఎలా నిర్ణయిస్తారో తెలుసా.. ? ఇంధన ధరలు పెంపుకు కారణం ఏంటి..?

గతంలో ఎక్సైజ్ సుంకాన్ని భారీగా పెంచిన మోదీ ప్రభుత్వం కొద్దిపాటి మాత్రమే తగ్గించిందని విపక్షాలు వాదించాయి. రాష్ట్ర ప్రభుత్వాలు వ్యాట్‌ను పెంచలేదని, కాబట్టి తగ్గించే ప్రశ్నే లేదని, కేంద్రం ఎక్సైజ్ సుంకం పెంపును వెనక్కి తీసుకుంటే ధరలు ఆటోమేటిక్‌గా తగ్గుతాయని వారు పేర్కొన్నారు.

ఇదిలా ఉండగా, సోమవారం, నవంబర్ 15న వరుసగా పన్నెండవ రోజు కూడా  petrol, diesel ధరలు స్థిరంగా ఉన్నాయి. కేంద్ర ప్రభుత్వం దీపావళిసందర్భంగా ఇంధన ధరలపై excise dutyతగ్గింపును ప్రకటించిన సంగతి తెలిసిందే. అంతకుముందు పెట్రోల్, డీజిల్ ధరలు దేశవ్యాప్తంగా తార స్థాయికి చేరాయి.

ఇంధన ధరలు ఆల్‌టైమ్‌ గరిష్ఠ స్థాయికి చేరుకోవడంతో పెట్రోలు ధరపై రూ. 5, డీజిల్‌పై రూ. 10 తగ్గింపును ప్రభుత్వం ప్రకటించింది. ఈ నిర్ణయాన్ని అనుసరించి  దేశంలోని పలు రాష్ట్రాలు  కూడా పెట్రోల్, డీజిల్ ధరలపై విలువ ఆధారిత పన్ను (VAT)ని తగ్గించాయి. అంతేకాకుండా రెండు ప్రతిపక్ష పాలిత రాష్ట్రాలు పంజాబ్, రాజస్థాన్ పెట్రోల్, డీజిల్ ధరలను తగ్గిస్తున్నట్లు ప్రకటించాయి. కాంగ్రెస్‌ అధికారంలో ఉన్న పంజాబ్‌లో పెట్రో ధరలు భారీగా తగ్గాయి. 

Follow Us:
Download App:
  • android
  • ios