న్యూఢిల్లీ: ప్రముఖ కార్ల తయారీ సంస్థ హోండా కార్స్ త్వరలో ప్రస్తుత ఆర్థిక సంవత్సరం చివరి త్రైమాసికంలో హెచ్ఆర్-వీ మోడల్ కారును భారతదేశ విపణిలో ఆవిష్కరిస్తుందని ఇప్పటి వరకు అంతా భావించారు. హోండా కార్స్ ఆధ్వర్యంలోని హెచ్ఆర్-వీ మోడల్ కారు ప్రత్యర్థి సంస్థలైన కియా సెల్టోస్, ఎంజీ హెక్టార్, టాటా హరియర్, రెనాల్డ్ క్యాప్చర్, హ్యుండాయ్ క్రెటా మోడల్ కార్లకు గట్టి పోటీనిస్తుందని అంతా భావిస్తున్నారు.

కానీ మారిన ప్రస్తుత పరిస్థితుల్లో హోండా కార్స్ తన హెచ్ఆర్-వీ మోడల్ కారును భారతదేశ విపణిలో ఆవిష్కరించేందుకు వెనుకాడుతోంది. ప్రాథమికంగా కారు ధర అత్యధికంగా ఉండటమే కారణమని హోండా కార్స్ వర్గాలు తెలిపాయి. 

ఈ ఏడాది ప్రారంభంలో నొయిడాలోని హోండా కార్ల తయారీ యూనిట్‌లో టెస్ట్ మ్యూల్ చేపట్టింది. మేమంతా చివరి త్రైమాసికంలో భారత విపణిలోకి హోండా కార్స్ ‘హెచ్ఆర్-వీ’ అడుగు పెడుతుందని ఆశించారు. హోండా కార్స్ రూపొందిస్తున్న హెచ్ఆర్-వీ కారు తన ప్రత్యర్థి సంస్థలు కియా మోటార్స్ వారి సెల్టోస్, ఎంజీ హెక్టార్, టాటా హరియర్, రెనాల్ట్ క్యాప్చర్, హ్యుండాయ్ క్రెట్టా కార్లతో విపణిలో పోటీ పడుతుందని భావిస్తున్నారు. 

హోండా హెచ్ఆర్-వీ కారులో వాడే కాంపొనెంట్స్‌లో 30 శాతం స్థానిక కంపెనీలు తయారుచేసినవే వాడింది. అయితే 70 శాతం కంపొనెంట్స్‌ను విదేశాల నుంచి దిగుమతి చేసుకోవడం వల్లే ఈ కారు ధర ఎక్కువగా పలికిందని తెలుస్తోంది. భారతదేశంలో తమ భవిష్యత్ మార్కెట్‌కు ప్రస్తుత పరిస్థితులు అననుకూలంగా ఉన్నాయని హోండా కార్స్ భావిస్తోంది. 

హోండా హెచ్ఆర్-వీ కారులో క్రోమ్ గ్రిల్లె, ఎల్ఈడీ హెడ్ ల్యాంప్స్, ఎల్ఈడీ డీఆర్ఎల్స్, రెక్టాంగ్యులర్ ఎల్ఈడీ ఫాగ్ ల్యాంప్స్, ఎల్ఈడీ టెయిల్ ల్యాంప్స్, 5-స్పోక్ అల్లాయ్ వీల్స్, షార్క్ -ఫిన్ ఎంటీనా, టచ్ స్క్రీన్ ఇన్ఫోటైన్మెంట్ వ్యవస్థ, డిజిటల్ మల్టీ ఇన్ఫర్మేషన్ డిస్ ప్లే, మల్టీ ఫంక్షన్ స్టీరింగ్ వీల్ తదితర ఫీచర్లు చేర్చారు. అధికారికంగా వెల్లడించకున్నా హెచ్ఆర్-వీ కారులో హోండా సివిక్‍లో వాడిన ఇంజిన్‌నే వాడుతున్నారు. ఈ కారులో 1.8 లీటర్ ఐ-వీటెక్ పెట్రోల్, 1.6 లీటర్ల సామర్థ్యం గల ఐ-డీటెక్ టర్బో డీజిల్ మోటార్ వాడుతున్నారు.