ఏ‌బి‌ఎస్ తో బజాజ్ బెస్ట్ మైలేజ్ బైక్.. ధర, ఫీచర్లపై ఒక లుక్కెయండి..
బజాజ్ ప్లాటినా పాత మోడల్ కంటే ఇప్పుడు మరింత సురక్షితమైన బైక్‌గా మారింది. ఏబీఎస్ వంటి సేఫ్టీ ఫీచర్లను కంపెనీ ఈ బైక్‌కు అందించింది.
 )
Followఇండియాలోని ప్రముఖ ద్విచక్ర వాహన తయారీ కంపెనీలలో ఒకటైన బజాజ్ 110 సిసి సెగ్మెంట్‌లో కొత్త సేఫ్టీ ఫీచర్లతో ప్లాటినాను లాంచ్ చేసింది. ఈ బైక్ ఇతర ఫీచర్ల పాటు ధర గురించి మీకోసం..
సెక్యూర్ ప్లాటినా
బజాజ్ ప్లాటినా పాత మోడల్ కంటే ఇప్పుడు మరింత సురక్షితమైన బైక్‌గా మారింది. ఏబీఎస్ వంటి సేఫ్టీ ఫీచర్లను కంపెనీ ఈ బైక్‌కు అందించింది. ఈ ఫీచర్‌ తర్వాత 100 అండ్ 110 cc సెగ్మెంట్‌లో ABS అందించిన మొదటి బైక్ అవుతుంది.
ABS
యాంటీ-బ్రేక్ సిస్టమ్ కారణంగా సడన్‌గా బ్రేక్‌లు వేసినప్పుడల్లా బైక్ పూర్తిగా కంట్రోల్ లో ఉంటుంది, ఇంకా ప్రమాద తీవ్రతని తగ్గిస్తుంది. దీనితో పాటు, బైక్ పూర్తిగా కంట్రోల్ చేయటానికి పాత మోడల్ కంటే తక్కువ సమయం పడుతుంది.
బజాజ్ మోటార్‌సైకిల్ ప్రెసిడెంట్
కొత్త ప్లాటినా 110 ఏబీఎస్ లాంచ్ సందర్భంగా మోటార్‌సైకిల్ విభాగం అధ్యక్షుడు సారంగ్ కనాడే మాట్లాడుతూ.. ప్రపంచంలోనే అత్యధిక రోడ్డు ప్రమాదాలు ఇండియాలో జరుగుతున్నాయని, ఇందులో 45 శాతం ద్విచక్ర వాహన ప్రమాదాలేనని అన్నారు. ఇండియన్ కన్జ్యూమర్ గురించి మనకున్న అవగాహన ప్రకారం బైక్ రైడర్‌లు బ్రేకింగ్ సమయంలో తరచూ భయాందోళనలకు గురవుతారు. కొత్త ప్లాటినా 110 ABSతో మేము ఆకస్మిక పరిస్థితుల్లో కూడా రైడర్‌లకు ఫుల్ కంట్రోల్ అందించాలని లక్ష్యంగా పెట్టుకున్నాము. కఠినమైన రైడింగ్ పరిస్థితులను ఎదుర్కొనే ద్విచక్ర వాహనదారులు వారిని ఇంకా వారి ప్రియమైన వారిని అత్యుత్తమ బ్రేకింగ్ టెక్నాలజీతో సురక్షితంగా ఉంచుకోవడానికి ప్లాటినా 110 ABSని పరిగణిస్తారని మేము విశ్వసిస్తున్నాము అని అన్నారు.
ఇంజిన్
ఈ బైక్ ఇంజన్ గురించి మాట్లాడినట్లయితే, 115.45 cc సింగిల్ సిలిండర్ ఎయిర్ కూల్డ్ ఫ్యూయల్ ఇంజెక్టెడ్ ఇంజన్ పొందుతుంది, 8.6 bhp అండ్ 9.81 న్యూటన్ మీటర్ టార్క్‌ను ఉత్పత్తి చేస్తుంది. ఈ బైక్ 5-గేర్ ట్రాన్స్‌మిషన్‌తో అందించబడుతోంది.
ఫీచర్స్
ప్లాటినా 110 ఎబిఎస్‌లో కంపెనీ వెనుక భాగంలో డ్యూయల్ స్ప్రింగ్ షాక్ అబ్జార్బర్‌లను అందించగా, ముందు భాగంలో టెలిస్కోపిక్ ఫ్రంట్ ఫోర్క్‌లు ఇచ్చారు. ABSతో ముందు భాగంలో డిస్క్ బ్రేక్‌లు, వెనుక భాగంలో డ్రమ్ బ్రేక్‌లను పొందుతుంది.
ధర
బైక్ ధర గురించి చెప్పాలంటే, ఢిల్లీలో దీని ఎక్స్-షోరూమ్ ధర రూ.72,224. ప్రస్తుత వేరియంట్ ఎక్స్-షోరూమ్ ధర రూ.68,544.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
