Asianet News TeluguAsianet News Telugu

today astrology: 4 మే 2020 సోమవారం రాశిఫలాలు

ఈ రోజు రాశిఫలాలు ఇలా ఉన్నాయి. ఓ రాశివారికి విశ్రాంతికై ప్రయత్నస్తూ ఉంటారు. అనుకున్న పనులు పూర్తి చేస్తారు. అధికారిక ప్రయాణాలు అవసరమౌతాయి. అనవసర ఖర్చులు చేస్తారు. అధికారిక పరమైన ఖర్చులు, విందులు, వినోదాల్లో పాల్గొనే ప్రయత్నం చేస్తారు. పాదాలనొప్పులు వస్తాయి.

today dinaphalithalu 4th may 2020
Author
Hyderabad, First Published May 4, 2020, 7:07 AM IST


 డా. ఎస్‌. ప్రతిభ
మేషం :(అశ్విని, భరణి, కృత్తిక 1వపాదం) : శారీరక శ్రమ అధికం అవుతుంది. పనులలో ఒత్తిడి అధికం అవుతుంది. పట్టుదలతో కార్యసాధన చేస్తారు. ఉద్యోగస్తులకు ట్రాన్స్ఫర్ అయ్యే అవకాశం ఉంటుంది. లేదా ఉద్యోగరీత్యా ఏవైనా ప్రయాణాలు చేస్తూ ఉంటారు. ప్రయాణాల్లో జాగ్రత్త అవసరం. కొంత ఒత్తిడి ఏర్పడుతుంది.

వృషభం :(కృత్తిక 2,3,4 పాదాలు, రోహిణి, మృగశిర 1,2పాదాలు) : విశ్రాంతికై ప్రయత్నస్తూ ఉంటారు. అనుకున్న పనులు పూర్తి చేస్తారు. అధికారిక ప్రయాణాలు అవసరమౌతాయి. అనవసర ఖర్చులు చేస్తారు. అధికారిక పరమైన ఖర్చులు, విందులు, వినోదాల్లో పాల్గొనే ప్రయత్నం చేస్తారు. పాదాలనొప్పులు వస్తాయి.

మిథునం :(మృగశిర 3,4పాదాలు, ఆర్ద్ర, పునర్వసు 1,2,3 పాదాలు) : పెద్దల ఆశీస్సులకై ప్రయత్నిస్తారు. అనుకున్న పనులు పూర్తి చేయడంలో కొంత అసంతృప్తి పెరుగుతుంది. అధికారిక ప్రయాణాలవైపు దృష్టి పెడతారు. దర్శవంతమైన జీవితం గడుపుతారు.  తరులపై ఆధారపడతారు. దురాశ పెరుగుతుంది.

కర్కాటకం :(పునర్వసు 4వ పాదం, పుష్యమి, ఆశ్లేష) : అధికారులతో అనుకూలత పెరుగుతుంది.  పనులలో పట్టుదల పెరుగుతుంది. మొండితనంతో పూర్తిచేస్తారు.  సంఘంలో గౌరవం కోసం ఆరాటపడతారు.  కీర్తి ప్రతిష్ఠలు పెంచుకునే ప్రయత్నం చేస్తారు. అప్రమత్తత అవసరం.

సింహం (మఖ, పుబ్బ, ఉత్తర 1వ పాదం) : అనుకోని ఇబ్బందులు వస్తాయి. పనులలో జాప్యం జరగవచ్చు. చేసే అన్ని పనుల్లో జాగ్రత్త అవసరం. తొందరపాటు నిర్ణయాలు పనికిరావు.  సంతృప్తికోసం ఆరాట పడతారు.  అధికారిక ప్రయాణాలు చేస్తారు. ప్రయాణాలలో తొందరపాటు పనికిరాదు.  అనవసర తిరుగుడు  ఉంటుంది.

కన్య :(ఉత్తర 2,3,4 పాదాలు, హస్త, చిత్త 1,2 పాదాలు) : అనవసర ఖర్చులు చేస్తారు. ఊహించని ఇబ్బందులు వస్తాయి. శ్రమకు తగిన గుర్తింపుకోసం ఆరాటపడతారు. వైద్యశాలల సందర్శనం ఉంటుంది.  ప్రయాణాలలో జాగ్రత్త అవసరం. దానధర్మాలు మేలు చేస్తాయి. ఆచి, తూచి వ్యవహరించాలి.

 తుల :(చిత్త 3,4 పాదాలు, స్వాతి, విశాఖ 1,2,3పాదాలు) : సామాజిక అనుబంధాల్లో ఒత్తిడి పెరుగుతుంది. నూతన పరిచయస్తులతో అప్రమత్తంగా ఉండాలి. పాత మిత్రులు కలిసే అవకాశం.  భాగస్వాములతో ఆచి, తూచి వ్యవహరించాలి. సమాజంలో అందరితో కలిసి మెలిసి మెలిగే ప్రయత్నంలో ఉండాలి.

వృశ్చికం :(విశాఖ 4వ పాదం, అనూరాధ, జ్యేష్ఠ) :  పోటీలలో గెలుపుకై ప్రయత్నిస్తారు. శ్రమకు తగిన గుర్తింపు లభిస్తుంది.  ఋణసంబంధ ఆలోచనలు తీరుతాయి.  ఉద్యోగస్తులలో అనుకూలత పెరుగుతుంది. రోగనిరోధక శక్తి పెరుగుతుంది. శత్రువులపై విజయం సాధిస్తారు.

ధనుస్సు :(మూల, పూర్వాషాఢ, ఉత్తరాషాఢ 1వపాదం) : సంతాన సమస్యలు పెరుగుతాయి. మానసిక ప్రశాంతత తగ్గుతుంది. దానికోసం ఆరాటపడతారు.  చిత్త చాంచల్యంతో ప్రణాళికలు వేస్తారు. క్రియేటివిటీ తగ్గతుంది. ఒత్తిడి అధికం అవుతుంది.  అధికారులతో అనుకూలతకై ప్రయత్నం చేస్తారు. విద్యార్థులు జాగ్రత్తగా ఉండాలి.

మకరం :(ఉత్తరాషాఢ 2,3,4, శ్రవణం, ధనిష్ఠ 1,2 పాదాలు) : సౌఖ్యంకోసం ఆరాటం పెరుగుతుంది.  గృహసంబంధ విషయాల్లో ఒత్తడి పెరుగుతుంది. ఒత్తిడిత్తో సౌకర్యాలను పూర్తిచేస్తారు.  ఆహారంలో సమయపాలన అవసరం.  ప్రయాణాల్లో జాగ్రత్త అవసరం.

కుంభం :(ధనిష్ఠ 3,4 పాదాలు, శతభిషం, పూర్వాభాద్ర 1,2,3పాదాలు) : అధికారులతో అనుకూలత పెరుగుతుంది. అధికారిక ప్రయాణాలు చేస్తారు. కమ్యూనికేషన్స్ విస్తరిస్తాయి.  సహకారం లభిస్తుంది.  ప్రయాణాలు సౌకర్యంగా చేస్తారు.  ప్రచార, ప్రసార సాధనాలు లాభిస్తాయి.

మీనం :(పూర్వాభాద్ర 4వపాదం, ఉత్తరాభాద్ర, రేవతి) : నిల్వధనం కోల్పోతారు.  అధికారులతో మాట విషయంలో జాగ్రత్త అవసరం.  మాటల్లో కాఠిన్యత రాకుండా చూసుకోవాలి. కుటుంబ సంబంధాలు ఒత్తిడికి గురిచేస్తాయి. ధన సంపాదనకు ప్రయత్నం చేస్తారు. మధ్యవర్తిత్వాలు పనికిరావు.

Follow Us:
Download App:
  • android
  • ios