ఫారం-7 దుర్వినియోగంపై ఏపీ సిట్
ఆంధ్రప్రదేశ్ రాష్ట్రంలో ఓట్ల తొలగింపు కోసం ఫారం-7 దరఖాస్తుల దుర్వినియోగంపై ఏర్పాటు చేసిన సిట్ శుక్రవారం నాడు పనిని ప్రారంభించింది. ఏపీ ఫైర్ సర్వీసెస్ డీజీపీ సత్యనారాయణ నేతృత్వంలో ఈ సిట్ ఏర్పాటైన విషయం తెలిసిందే.
అమరావతి: ఆంధ్రప్రదేశ్ రాష్ట్రంలో ఓట్ల తొలగింపు కోసం ఫారం-7 దరఖాస్తుల దుర్వినియోగంపై ఏర్పాటు చేసిన సిట్ శుక్రవారం నాడు పనిని ప్రారంభించింది. ఏపీ ఫైర్ సర్వీసెస్ డీజీపీ సత్యనారాయణ నేతృత్వంలో ఈ సిట్ ఏర్పాటైన విషయం తెలిసిందే.
ఏపీ రాష్ట్రంలోని 13 జిల్లాల నుండి ఒక్కో డీఎస్పీ స్థాయి అధికారిని ఈ బృందంలో నియమించారు. ఓట్ల తొలగింపునకు సంబంధించి ఏర్పాటు చేసిన సిట్ ఇంచార్జీ సత్యనారాయణ శుక్రవారం నాడు ఏపీ డీజీపీ ఠాకూర్‌తో సమావేశమయ్యారు.
ఫారం-7 దుర్వినియోగంపై ఇప్పటివరకు రాష్ట్రంలో నమోదైన కేసుల వివరాలను, కేసు దర్యాప్తు వివరాల గురించి తెలుసుకొన్నారు అయితే ఈ కేసును బృందాలుగా విడిపోయి దర్యాప్తు చేయాలని సిట్ భావిస్తోంది.
రాష్ట్రంలో సుమారు 8 లక్షలకు పైగా ఓట్లను తొలగించాలని కోరుతూ పారం -7 దరఖాస్తులు చేశారు. అయితే ఈ విషయమై క్షేత్రస్థాయి పరిశీలన చేయనున్నారు. ఈ దరఖాస్తుల్లో ఎక్కువగా నకిలీవేనని ఆరోపణలు కూడ ఉన్నాయి.ఈ దరఖాస్తులపై ఇప్పటికే 350 కేసులు నమోదయ్యాయి. ఇందులో 232 కేసులకు సంబంధించి 2300 దరఖాస్తులు వచ్చిన విషయాన్ని కూడ సిట్ బృందం గుర్తించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
