Bro: థియేటర్‌లో పాలాభిషేకంతో స్క్రీన్ పై పాలు.. చిరిగిపోయిన స్క్రీన్.. పవన్ కళ్యాణ్ ఫ్యాన్స్ అరెస్టు

హైదరాబాద్: పవన్ కళ్యాణ్ ఫ్యాన్స్ ఆతృతగా ఎదురుచూసిన బ్రో సినిమా విడుదలైంది. ఫ్యాన్స్ పండుగ చేసుకున్నారు. ఏపీ, తెలంగాణల్లోని థియేటర్ల ముందు అభిమానుల కోలాహలం కనిపించింది. హైదరాబాద్‌లోని కొన్ని థియేటర్‌లలో బ్యాండ్‌లతో సామూహికంగా డ్యాన్స్ చేశారు. ఒక రకమైన పూనకాలు కనిపించాయి. అయితే.. ఈ వేడుకల్లో ఓ అపశృతి జరిగింది. ఆంధ్రప్రదేశ్‌లోని పార్వతిపురంలోని థియేటర్‌లో కొందరు అభిమానులు స్క్రీన్ పై కనిపించిన పవన్ కళ్యాణ్‌‌కు పాలాభిషేకం చేశారు. పాలను నేరుగా థియేటర్ స్క్రీన్ పై పోసేశారు. ఆ తర్వాత థియేటర్‌లో అంతా గందరగోళంగా మారింది. ఆ తర్వాత స్క్రీన్ చిరిగిపోయింది.

బ్రో సినిమాకు వచ్చిన కొందర పవన్ కళ్యాణ్ అభిమానులు పార్వతిపురంలోని థియేటర్‌లో స్క్రీన్‌కు పాలాభిషేకం చేశారు. ఆ తర్వాత స్క్రీన్ చిరిగిపోయింది. దీంతో థియేటర్ యాజమాన్యం ఖంగారుపడింది. పోలీసులకు సమాచారం ఇచ్చింది. వారు కేసు ఫైల్ చేశారు. పోలీసులు ఆ థియేటర్ వద్దకు చేరుకున్నారు. నిందితులను గుర్తించి జీపులో తీసుకెళ్లారు. దుస్తులు చినిగిపోయి ఉన్న కొందరిని పోలీసులు తీసుకెళ్లారు. 

Also Read: మణిపూర్ హింసపై సీబీఐతో దర్యాప్తు జరిపించాలి.. ఎందుకంటే..: సుప్రీంకోర్టులో కేంద్రం అఫిడవిట్

బ్రో సినిమాను సముత్తిరకని దర్శకత్వం వహించారు. పవన్ కళ్యాణ్‌తోపాటు సాయి ధరమ్ తేజ్, ప్రియా ప్రకాశ్ వారియర్, కేతిక శర్మ, బ్రహ్మానందం, సుబ్బరాజు, వెన్నెల కిశోర్ సహా పలువురు నటించారు. 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• andhra pradesh
• bro movei
• milk on theatre screen
• milk showering to schree
• parvathipuram theatre
• pawan kalyan fans