స్కిల్ డెవలప్‌మెంట్ కేసు: లోకేష్‌ను అప్పటివరకు అరెస్ట్ చేయొద్దు.. ఏపీ హైకోర్టు..
ఏపీ స్కిల్ డెవలప్‌మెంట్ కార్పొరేషన్ కేసులో టీడీపీ జాతీయ ప్రధాన కార్యదర్శి లోకేష్ ముందస్తు బెయిల్‌‌ను ఈ నెల 12 వరకు హైకోర్టు పొడిగించింది.
Followఏపీ స్కిల్ డెవలప్‌మెంట్ కార్పొరేషన్ కేసులో టీడీపీ జాతీయ ప్రధాన కార్యదర్శి లోకేష్ ముందస్తు బెయిల్‌‌ను ఈ నెల 12 వరకు హైకోర్టు పొడిగించింది. హైకోర్టులో బుధవారం నారా లోకేష్ ముందస్తు బెయిల్ పిటిషన్‌పై విచారణకు వచ్చింది. ఈ క్రమంలోనే లోకేష్ ముందస్తు బెయిల్ ఈ రోజుతో ముగుస్తుందని ఆయన తరపు న్యాయవాదులు చెప్పారు. మరోవైపు తనకు ప్రభుత్వం నుంచి ఎటువంటి ఆదేశాలు లేవని సీఐడీ తరపున అడ్వకేట్ జనరల్ శ్రీరామ్ సుబ్రహ్మణ్యం హైకోర్టుకు తెలిపారు.
ఈ క్రమంలోనే లోకేష్ పిటిషన్‌పై విచారణను హైకోర్టు ఈ నెల 12కు వాయిదా వేసింది. అప్పటివరకు లోకేష్‌ను అరెస్ట్ చేయవద్దని.. ముందస్తు బెయిల్ పొడిగిస్తూ హైకోర్టు ఆదేశాలు జారీ చేసింది.
ఇక, స్కిల్ డెవలప్‌మెంట్ స్కామ్‌లో టీడీపీ అధినేత చంద్రబాబును సీఐడీ అరెస్ట్ చేసిన సంగతి తెలిసిందే. ఈ కేసులో చంద్రబాబు ప్రస్తుతం రాజమండ్రి జైలులో జ్యూడిషియల్‌ రిమాండ్‌లో ఉన్నారు. ఈ కేసులో లోకేష్ పాత్రపై కూడా దర్యాప్తు జరుపుతామని సీఐడీ ఇప్పటికే ప్రకటించిన సంగతి తెలిసిందే. ఈ క్రమంలోనే లోకేష్ ముందస్తు బెయిల్ కోసం హైకోర్టును ఆశ్రయించారు. అయితే లోకేష్ దాఖలు చేసిన ముందస్తు బెయిల్ పిటిషన్‌పై గత విచారణ సందర్భంగా.. లోకేశ్‌ను ఇంకా నిందితుడిగా పేర్కొనలేదని సీఐడీ హైకోర్టుకు తెలిపింది. ఈ కేసులో తాను నిందితుడిని కాదని లోకేష్ చెబుతున్నందున.. ముందస్తు బెయిల్ పిటిషన్‌కు ఎలాంటి అర్హత లేదని సీఐడీ తరఫు న్యాయవాది వాదనలు వినిపించారు. ఈ క్రమంలోనే స్కిల్ డెవలప్‌మెంట్ స్కామ్ కేసులో నారా లోకేష్‌ను అక్టోబర్ 4వ తేదీ వరకు అరెస్ట్ చేయకుండా సీఐడీ పోలీసులను హైకోర్టు ఆదేశించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
