విశాఖలో నవంబర్ 2 నుంచి గ్లోబల్ ఇరిగేషన్ మీట్‌.. హాజ‌రుకానున్న సీఎం జగన్
Visakhapatnam: ఇండియన్ నేషనల్ కమిటీ ఆన్ ఇరిగేషన్ అండ్ డ్రైనేజీ (ఐఎన్సీఐడీ) ఆధ్వర్యంలో జరగనున్న ఐసీఐడీ కార్యక్రమానికి ముఖ్యమంత్రి వైఎస్ జగన్ మోహ‌న్ రెడ్డి హాజరవుతారని విశాఖపట్నం జాయింట్ కలెక్టర్ కెఎస్ విశ్వనాథన్ తెలిపారు. ఈ అంతర్జాతీయ కార్యక్రమానికి 90 దేశాల నుంచి ప్రతినిధులు హాజరుకానున్నారు. ఈ దేశాల నుంచి సుమారు 300 మంది ప్రతినిధులు నీటిపారుదల, జలవనరుల పరిరక్షణకు సంబంధించిన ముఖ్యమైన అంశాలపై చర్చించనున్నారు.
 )
FollowGlobal Irrigation Meet in Visakhapatnam: ఇండియన్ నేషనల్ కమిటీ ఆన్ ఇరిగేషన్ అండ్ డ్రైనేజీ (ఐఎన్సీఐడీ) ఆధ్వర్యంలో జరగనున్న ఐసీఐడీ కార్యక్రమానికి ముఖ్యమంత్రి వైఎస్ జగన్ మోహ‌న్ రెడ్డి హాజరవుతారని విశాఖపట్నం జాయింట్ కలెక్టర్ కెఎస్ విశ్వనాథన్ తెలిపారు. ఈ అంతర్జాతీయ కార్యక్రమానికి 90 దేశాల నుంచి ప్రతినిధులు హాజరుకానున్నారు. ఈ దేశాల నుంచి సుమారు 300 మంది ప్రతినిధులు నీటిపారుదల, జలవనరుల పరిరక్షణకు సంబంధించిన ముఖ్యమైన అంశాలపై చర్చించనున్నారు.
వివ‌రాల్లోకెళ్తే.. నవంబర్ 2 నుంచి 8 వరకు విశాఖపట్నంలో జరగనున్న అంతర్జాతీయ నీటి పారుదల, డ్రైనేజీ కమిషన్ (ఐసీఐడీ) 25వ మహాసభలు, ఐసీఐడీ 75వ అంతర్జాతీయ కార్యనిర్వాహక మండలి సమావేశాలను ముఖ్యమంత్రి వైఎస్ జగన్ మోహ‌న్ రెడ్డి ప్రారంభించ‌నున్నారు. ఆరు దశాబ్దాల తర్వాత భారత్ లో ఈ కార్యక్రమం జరుగుతోంది. శనివారం జాయింట్ కలెక్టర్ కేఎస్ విశ్వనాథన్ విశాఖలో జరిగే హైప్రొఫైల్ ఈవెంట్ ఏర్పాట్లపై ఉన్నతాధికారులతో సమీక్ష నిర్వహించారు. ఇండియన్ నేషనల్ కమిటీ ఆన్ ఇరిగేషన్ అండ్ డ్రైనేజీ (ఐఎన్ సీఐడీ) ఆధ్వర్యంలో జరిగే ఈ కార్యక్రమానికి ముఖ్యమంత్రి హాజరవుతారని తెలిపారు.
ఈ అంతర్జాతీయ కార్యక్రమానికి 90 దేశాల నుంచి ప్రతినిధులు హాజరుకానున్నారు. ఈ దేశాల నుంచి సుమారు 300 మంది ప్రతినిధులు నీటిపారుదల, జలవనరుల పరిరక్షణకు సంబంధించిన ముఖ్యమైన అంశాలపై చర్చించనున్నారు. అధ్యయన పర్యటనలో భాగంగా ప్రతినిధులను అరకు, తాటిపూడి జలాశయాలకు తీసుకెళ్తామని జాయింట్ కలెక్టర్ తెలిపారు. ఐసీఐడీ కాంగ్రెస్ అనేది ఈ రంగంలో ప్రస్తుతం ఉన్న ప్రపంచ సమస్యలపై చర్చించడం, పరిష్కారాలను అభివృద్ధి చేయడం అనే ప్రధాన త్రైవార్షిక కార్యక్రమం. ఐఎన్సీఐడీ తీసుకున్న చొరవ, రాష్ట్ర ప్రభుత్వ మద్దతు కారణంగా, ఐసీఐడీ ఇంటర్నేషనల్ కాంగ్రెస్ సుమారు ఆరు దశాబ్దాల తరువాత భారత్ లో ఈ కార్యక్రమం జ‌రుగుతోంద‌ని సంబంధిత వ‌ర్గాలు పేర్కొన్నాయి.
2021లో మొరాకోలోని మరకెచ్లో జరిగిన 72వ ఐఈసీ సమావేశం, 5వ ఆఫ్రికన్ రీజనల్ కాన్ఫరెన్స్ లో విశాఖపట్నంలో 25వ కాంగ్రెస్, 75వ ఐఈసీ నిర్వహణకు ఆమోదం లభించింది. నగరంలో జరిగే కాంగ్రెస్, ఇతర కార్యక్రమాలకు ప్రపంచం నలుమూలల నుంచి 1,200 మందికి పైగా హాజరవుతారని అంచనా. ఈ నెలాఖరు నుంచి వారం రోజుల పాటు వసతి, భోజనం, రవాణా ఏర్పాట్లు చేయాలని జాయింట్ కలెక్టర్ అధికారులను ఆదేశించారు. ఇరిగేషన్, రెవెన్యూ శాఖల ఉన్నతాధికారులతో చర్చించేందుకు ప్రభుత్వ ప్రధాన కార్యదర్శి కేఎస్ జవహర్ రెడ్డి వచ్చారు. ఈ సందర్భంగా 20 మంది ప్రఖ్యాత కళాకారులతో జలసంరక్షణపై అంతర్జాతీయ కళాశిబిరం నిర్వహిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
