ఎమ్మెల్యే హత్య: పక్కా ప్లాన్, చలపతి స్కెచ్

మావోయిస్టుల వారోత్సవాలకు అగ్ర నాయకులు వచ్చినట్లు చెబుతున్నారు. ఆ సమయంలోనే మావోయిస్టులు సర్వేశ్వర రావు హత్యకు పక్కా ప్లాన్ వేసినట్లు తెలుస్తోంది.

shot dead

విశాఖపట్నం: శాసనసభ్యుడు సర్వేశ్వర రావు హత్యకు మావోయిస్టు నేత చలపతి స్కెచ్ వేసినట్లు ఊహాగానాలు చెలరేగుతున్నాయి. మావోయిస్టుల వారోత్సవాలకు అగ్ర నాయకులు వచ్చినట్లు చెబుతున్నారు. ఆ సమయంలోనే మావోయిస్టులు సర్వేశ్వర రావు హత్యకు పక్కా ప్లాన్ వేసినట్లు తెలుస్తోంది.

తమకు తెలియకుండా గ్రామాలకు వెళ్లవద్దని పోలీసులు సూచనలు ఇచ్చినప్పటికీ వాటిని బేఖతారు చేస్తూ సర్వేశ్వర రావు వెళ్లినట్లు చెబుతున్నారు. శనివారంనాడే ప్రజాప్రతినిధులకు పోలీసులు ఆ సూచనలు చేశారు. 

తాజా ఘటనతో ఏవోబీలో రెడ్ అలర్ట్ ప్రకటించారు. మధ్యాహ్నం 12 గంటలకు మావోయిస్టులు సర్వేశ్వర రావును, ఆయన అనుచరుడు సోమను హత్య చేసినట్లు పోలీసులు భావిస్తున్నారు. 

హత్యకు కారణాలను, మావోయిస్టుల హెచ్చరికలపై డిజీపి నివేదికను కోరారు. ఎమ్మెల్యే వాహనాన్ని అడ్డుకుని, గన్ మెన్ ను దూరంగా పంపించివేసి మావోయిస్టులు ఇద్దరు నేతలను చంపినట్లు డిఐజి శ్రీకాంత్ చెబుతున్నారు. 

సంబంధిత వార్తలు