తెలంగాణ కాదు కేసీఆర్ కుటుంబమే బంగారమయ్యింది...: నటి జీవిత ఎద్దేవా

కరీంనగర్ : బంగారు తెలంగాణ కేవలం ప్రచారానికే పరిమితం అయ్యిందని... కేసీఆర్ ది మాత్రం బంగారు కుటంబం అయ్యిందని సినీ నటి, బిజెపి నాయకురాలు జీవిత ఎద్దేవా చేసారు. టీఆర్ఎస్ పార్టీని గెలిపించి రెండుసార్లు కేసీఆర్ ను ముఖ్యమంత్రిని చేసినా ఏమాత్రం అభివృద్ది జరగలేదని అన్నారు. కానీ కేసీఆర్ మాత్రం రాష్ట్రంలో దోచుకున్న సొమ్ముతో టీఆర్ఎస్ ను కాస్త బిఆర్ఎస్ గా మార్చి ఏకంగా దేశాన్నే దోచుకోడానికి సిద్దమయ్యాడని జీవిత ఎద్దేవా చేసారు. 

కరీంనగర్ జిల్లా హుజురాబాద్ నియోజకర్గం జమ్మికుంటలో జరిగిన ప్రజా గోస - బిజెపి భరోసా స్ట్రీట్ కార్నర్ మీటింగ్ లో జీవిత ముఖ్య అతిథిగా హాజరయ్యారు. ఈ సందర్భంగా కేసీఆర్ కు రెండుసార్లు అధికారాన్ని అప్పజెప్పినా ఏమాత్రం అభివృద్ది చేయలేకపోయాడని... ఒక్కసారి బిజెపికి అవకాశం ఇవ్వాలని జీవిత కోరారు.