కవిత ఎఫెక్ట్: కాంగ్రెస్ లో జోష్, బిజెపి వెనుకంజ

తెలంగాణలో ముఖ్యమంత్రి కేసీఆర్ నాయకత్వంలోని బిఆర్ఎస్ ను ఎదుర్కునేందుకు కాంగ్రెస్ పక్కా ప్లాన్ తో ముందుకు వెళ్తోంది. సీనియర్ నాయకులు తమ మధ్య ఉన్న విభేదాలను పక్కన పెట్టి పార్టీని ముందుకు నడిపించడానికి సిద్ధపడ్డారు. తెలంగాణ పిసిసి అధ్యక్షుడు రేవంత్ రెడ్డి మీది వ్యతిరేకతను పక్కన పెట్టి కోమటిరెడ్డి వెంకటరెడ్డి వంటి నేతలు క్షేత్రస్థాయిలో పనిచేసుకుంటూ పోతున్నారు. కర్ణాటక ఎన్నికల ఫలితాలు మరో వైపు బిజెపికి వ్యతిరేకంగా మారాయి. ఈ స్థితిలో మాజీ ఎంపి, బిజెపి నాయకులు కొండా విశ్వేశ్వరెడ్డి చేసిన వ్యాఖ్యలు పార్టీలో దుమారం రేపాయి.