Feb 17, 2023, 3:12 PM IST
విజయవాడ : తెలంగాణ ముఖ్యమంత్రి, బిఆర్ఎస్ పార్టీ అధినేత కల్వకుంట్ల చంద్రశేఖర్ రావు పుట్టినరోజు వేడుకలు ఆంధ్ర ప్రదేశ్ లో ఘనంగా నిర్వహించారు. ఏపీ బిఆర్ఎస్ అధ్యక్షులు తోట చంద్రశేఖర్ రావు ఆధ్వర్యంలో ఈ వేడుకలు జరిగాయి. బిఆర్ఎస్ నాయకులు, కార్యకర్తలు కేక్ కట్ చేసి ఒకరికొకరు తినిపించుకుంటూ కేసీఆర్ కు శుభాకాంక్షలు తెలపారు. ఈ సందర్భంగా దేశ్ కి నేతా కేసీఆర్ నినాదాలు మారుమోగాయి. కేసీఆర్ మాటలతోనే కాదు అద్భుత పాలనతో యావత్ దేశాన్నే ఆలోచింపజేస్తున్న అనితరసాధ్యుడని తోట చంద్రశేఖర్ కొనియాడారు. కేసీఆర్ కారణజన్ముడు, ప్రజల తలరాతలు మారుస్తున్న మహనీయుడు... ఆయన పాలన చిరస్థాయిలో నిలిచిపోందని అన్నారు. ఇలాంటి గొప్ప నాయకుడికి పుట్టినరోజు శుభాకాంక్షలు తెలుపుతున్నానని తోట చంద్రశేఖర్ అన్నారు.